Што да се прави со сите велигденски јајца

By PharmaNEWS.mk
@PharmaNEWS
PharmaNEWS
PharmaNEWS
On 21/04/201718/04/2017
0

Споделете со пријателите!

Од велигденските празници останаа многу варени јајца од кои можат да се направат интересни закуски

Карактеристично и неизбежно за Велигден е и велигденската трпеза составена од јагнешко, салати и повторно јагнешко. Затоа, во прилог следи одличен рецепт за да се спасите од сите варени, вапцани јајца после Велигден. Освен тоа, јајцата се многу повкусни во оваа варијанта. Се разбира, количините може да ги прилагодите на вашите потреби. За овој рецепт беа потребни 6 тврдо варени јајца…

За портокаловите јајца:

3 жолчки од варените јајца;
2 лажици мајонез;
2-3 исецкани суви домати (ако вашите суви домати не се пакувани во масло, ќе треба да ги рехидриpате со вода);
1 -2 лажичиња црвено песто (ако имате, ако не, не мора);
црвен пипер – или уште подобро чаден лут црвен пипер (или буковец);
сол, бибер.

Изгмечете ги жолчките со мајонезот и со другите состојки. Празните белки со лажиче наполнете ги со смесата. Врз нив ставете малку оригано.

За белите јајца:

3 жолчки од варените јајца;
1 лажица мајонез;
1 лажица павлака;
1 -2 млади кромитчиња, ситно исецкани;
сол, бибер.

Изгмечете ги жолчките со сите состојки и со смесата наполнете ги празните белки. Одозгора ставете уште малку бибер. Комбинациите на вкусови се неограничени. Следниот пат може да додадете ситно исецкани кисели краставички, а можете да додадете и кари зачин. Уживајте!

* рецептите со во целост преземени од ситно сецкано

Споделете со пријателите!