Магдоносот не е само за во манџа…
Иако го ставаме во супи и манџи како додаток, магдоносот може да биде и главена состојка во салата која е супер вкусна. Секако можете да додадете и друг зелениш, рукола, зелена салата, други тревки…
- половина голем врзоп магдонос;
- 2 млади лукчиња, особено зелениот дел;
- 1 лажица соја сос;
- 1 лажица сусамово масло (ако имате);
- 1 лажица оцет балсамик;
- интегрален сусам.
Нема потреба да ги одвојувате само ливчињата магдонос, и гранчињата се полни со вкус, мирис и здрави состојки, само отсечете го најдолниот најгруб дел од гранчињата. Ставете го магдоносот во тенџере или некој топло-отпорен сад и прелијте го со зовриена вода, потоа веднаш исцедете го и исецкајте го крупно. Помешајте го со другите состојки и салатата е готова. Пробајте ја салатата и прилагодете ги зачините, а можете да додадете и младо кромитче, ротквици, семки од тиква или сончоглед, краставица….
* рецептите со во целост преземени од ситно сецкано
