Јануари е месец кога се подигнува свеста за ракот на грлото на матката и вакцинацијата против HPV и оваа година Cветската Здравствена Организација и партнерите ја водат под мотото “Moжеме да ставиме крај на ракот на грлото на матката – информирај се, направи скрининг, вакцинирај се”.
Ракот на грлото на матката или цервикален канцер, се развива во т.н. цервикс кај жените односно на влезот на матката од вагината. Скоро сите цервикални канцери (99%) се поврзани со инфекција од високо ризичен сој на хуман папилома вирус (HPV), многу чест вирус кој се пренесува преку сексуални контакти. Најголем дел од инфекциите со овој вирус поминуваат без симптоми но долготрајна инфекција сепак може да доведе до развој на рак на грлото на матката.
Ракот на грлото на матката е 6-ти најчест тип на канцер помеѓу жените во Источниот Медитерански регион. Во 2020 година, со оваа дијагноза биле 89900 жени а 47500 починале од болеста.
Ракот на грлото на матката спаѓа во видовите канцер кои многу успешно се третираат доколку се откријат во рана фаза и се менаџираат ефективно. Доколку се открие во подоцнежна фаза, исто така може добро да се контролира со соодветно лечење и палијативна нега. Затоа е потребен сеопфатен пристап за негова превенција, добар скрининг и лечење доколку сакаме да го намалиме бројот на случаи со рак на грло на матка за следните неколку генерации.
Информирај се. Прочитај ги фактите за ракот на грлото на матката и хуман папилома вирус (HPV) кој е главниот предизвикувач. Информирај ги и другите жени во твојата околина.
Направи скрининг. Скрининг за рак на грло на матка треба да се право периодично а обично се почнува околу 30-тата година од животот.
Вакцинирај се. Вакцината против HPV се дава во 2 дози кај девојчињата на возраст помеѓу 9 и 14 години.
Овој Cervical Cancer Awareness Month 2023 (месец за подигнување на свеста за ракот на грлото на матката), доаѓа во време кога светот се опоравува од пандемијата со COVID-19 и каде се сѐ уште присутни одредени нарушувања во неопходните здравствени услуги” – велат од Светската Здравствена Организација. “Затоа, во месец јануари a и понатаму, да работиме заедно за враќање на основната здравствена заштита и превенција, да овозможиме подобар пристап до вакцини против HPV, подобар скрининг, третман на пре-цервикалните лезии и менаџирање со цервикалниот канцер до 2030 година како би ставиле крај на оваа болест во наредните неколку генерации”.
