Споделете со пријателите!
Уринарна инконтиненција е чест проблем кај возрасната популација кој го нарушува квалитетот на животот на возрасната популација. Се јавува при кашлање, кивање, трчање, дигање на тешки предмети, брза промена на положбата на телото (на пример: при брзо станување) или при други физички активности.
На вашите прашањата еднаш неделно ќе одговара д-р Димитар Стровјановски, д-р Игор Чипуровски, д-р Влатко Ристов и д-р Даниел Петровски
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Pocituvani imam 57godini i od pred 6meseci mi dijagnosticiraa povecana prostata. Dobiv tamsulozin vo terapija od urolog. Pokraj bolkite pri mokrenje vo posledno vreme se pocesto imam nagon za mokrenje a ponekogash e tolku silen sto nedodrzuvam.
Sto moze da se napravi vo vrska so ova?
Почитуван Г-дин Горан,
Кај вас потребно е за почеток да се утврди волуменот на простатата и вредноста на ПСА. Тоа може да го направи вашиот уролог со цел да се утврди дали може да се воведе и втор лек за третирање на зголемента простата а тоа е 5 алфа редуктаза инхибитор (пр.Finastеride). Доколку силниот нагон за мокрење сеуште постои тогаш има потреба да се внесат во терапијата и антимускариници (пр.Solifenacin). Вашиот уролог може да ви ја препише терапијата со цел намалување на симптомите.
Секое добро.
Поздрав Доктори, имам 67 години и пред 3 месеци ме оперираа од простата. Болките кои ме следеа престанаа но сега се јави друг проблем- понекогаш недодржувам и се подмочувам а почна истото да ми се случува и во кревет ноќе.
Што советувате?
Почитуван Г-дин Петар,
Слично како кај многу пациенти оперирани поради бенигна хиперплазија на простата, и кај вас се појавуваат симптомите со недодржување на мокрачата. Доколку количината на задржана мокрача кај вас после мокрењето, не е повеќе од 100 мл, може да се препишат селективни антимускариници (пр.Solifenacin). Секако, потребно е прво да направите контролен преглед кај вашиот уролог со цел утврдување на состојбата и препишување на соодветната терапиjа.
Секое добро.
Добар ден доктори, имам 66 години ,зголемена простата ,бенигно за среќа и веќе 7 години пијам лекарства за тоа. После мокрење имам чувство дека бешиката не е до крај испразнета, и имам потреба по десетина пати во текот на денот да мокрам.Понекогаш е толку итно што едвај додржувам, и после кога мокрам нема голема количина на мокрача.Има ли лек за ова?
Почитуван Г-дин Љубен,
Вашиот проблем е поради бенигно зголемување на простатата што како проблем е доста чест кај повозрасната популација. Тоа што примате лекарства е добро но понекогаш не е доволно. Потребно е да направите нова контрола кај вашиот матичен уролог со лабараториски анализи и ехо на уринарен тракт. Она што најчесто пациентите со вашата дијагноза го примаат и се задоволни се комбинација од алфа блокери (пр.Tamsulosin) и 5 алфа редуктаза инхибитори (пр.Finastеride). Кај вас потребно е да се корегира терапијата и да се даде време, доколку е потребно може да се внесат и антимускариници (пр.Solifenacin) со цел намалување на честотата на мокрење. Според кажаното, обратете се кај вашиот уролог, за да може да се започне соодветната терапија за вас.
Со почит.
Почитувани, пред година и пол ме оперисаа од карцином на простата.Примав и хемотерапија и сега фала богу сум добар ама имам еден проблем.Имам честа потреба за мокрење и што е уште полошо, се подмочувам. Ми се здосади да употребувам пелени за возрасни.Има ли некое друго решение,поздрав.
Почитуван Г-дин Здравко,
Дијагнозата поради која сте опериран, нажалост носи често вакви компликации и Вие не сте единствениот пациент со вакви проблеми. Тие симптоми на потреба за често мокрење и инконтиненција (подмочувањето), се делимично поради самата операција но и за нив може да се помогне со соодветна терапија. Ве советувам да направите преглед кај вашиот матичен Уролог, со цел да се направи Ултрасонографски преглед на мочниот меур и уринокултура. Доколку немате значителна задршка на мокрача (рест урина), кај вас може да се препорача терапија со селективни антимускариници (пр.Solifenacin) за почеток. Но тоа се разбира мора да биде контролирано и препишано од вашиот матичен Уролог. Тоа ќе ви ги намали честите нагони за мокрење и ќе ве направи помалку зависен од пелени за возрасни.
Секое добро.
Zdravo…uste pred 5-6 god. sum so dijagnoza Bhp…ili zaradi vozrasta 45g.togas hronicen prostatitis..Vo poslednive 5-6 meseci na 2 eho pregledi,internistot veli ne e zgolemena prostatata..pri analen pregled za hemoroidi,doktorot veli imas golema i tvrda prostata..Smaceno mi e veke od setanje po ordinacii…I za kraj dali site so BHP moze da pijat Finasterid i od kolku mg..pozz
Почитувани, Заради долготрајноста на Вашиот проблем кој веројатно е од уролошка природа во секој случај треба да побарате упат за на уролог од Вашиот интернист. Урологот ќе ја потврди или отфрли дијагнозата БХП, ќе спороведе соодветни испитувања и врз основа на резултатите ќе ви препише соодветна терапија.
Генерално при фармаколошки третман на БХП најсоодветна е комбинација од финастерид (или дутастерид) и тамсулозин при што најупростено тамсулозинот ја релаксира мускулатурата и го олеснува мокрењето а финастеридот делува на намалување на обемот на простата. После 6 месечен третман мора да се направи контрола на постигнатите резултати.
Секое добро.