Споделете со пријателите!
Опстипација или запек е состојба која погодува дури 30% од популацијата а најпогодени се жените и постарите лица. Симптомите се многу непријатни и вклучуваат надуеност и стомачна болка а нередовното празнење на цревата може значително да го наруши квалитетот на нашиот живот. Ако не се третира може да донесе сериозни компликации како хемороиди па дури и потреба за итна хируршка интервенција.
На вашите прашањата еднаш неделно ќе одговара д-р Калина Гривчева Старделова
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Почитувана,
Во последно време чувствувам неиздржлива надуеност и стомачна болка по јадење овес со млеко. Исто така, се трудам да се хранам здраво но последнава година запекот се зачестува. Имам 40 години и се прашувам дали можеби и возраста игра улога?
Почитувана, сметам дека Вашата возраст не треба да се доведува во корелација со споменатите состојби. Иако дигестивниот систем кај човекот генерално со тек на времето се потешко се справува со варењето на храната сепак неговата функција позначајно опаѓа во 6тата деценија од животот.
Во однос на надуеноста, мачнините и стомачни тегоби, препорачувам храна богата со растителни влакна свежо овошје и зеленчук за да се стабилизира метаболизмот. Истотака корисна е и континуирана примена на пробиотици комбинирани со екстракти од камилица и нане која комбинација е одлично природно решение за надуеност, мачнини и стомачни тегоби.
Имајќи ја во предвид комбинацијата од овес (глутен) и млеко (лактоза) која Ви прави проблем можеби треба да направите тест за интолеранција кон одредени храни поточно: глутен и лактоза, кој ако се покаже позитивен ќе следи соодветен режим на исхрана. Истотака сугерирам и проверка на нивото на Хеликобактер Пилори.