Споделете со пријателите!
Опстипација или запек е состојба која погодува дури 30% од популацијата а најпогодени се жените и постарите лица. Симптомите се многу непријатни и вклучуваат надуеност и стомачна болка а нередовното празнење на цревата може значително да го наруши квалитетот на нашиот живот. Ако не се третира може да донесе сериозни компликации како хемороиди па дури и потреба за итна хируршка интервенција.
На вашите прашањата еднаш неделно ќе одговара Д-р Биљана Ивановска Бојаџиев
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Имам проблеми со желудникот, често пече, подуеност, тешко се движи храната низ цел систем.
Ми е препишан Фамосан 40 мг еднаш на ден. Го пијам подолго време. Исто често пијам и јогурт.
Дали овие две работи се можен фактор за сува и тврда столица, со чуство на потреба за празнење ама со големи тешкотии.
Дали има потреба и за испитување дебело црево?
Благодарам,
Со поздрав Кирко
Почитуван,
Доколку имате проблеми со желудникот од типот на печење и подуеност, а немате подобрување од терапијата со Фамосан, тогаш треба да се направи дополнително иследување за желудникот, пред се доиследување за Хеликобактер. Доколку е истиот позитивен треба соодветно лекување, а доколку е негативен, препорачуваме доиследување на желудникот (гастроскопија).
Инаку конзумирањето на јогурт и самата терапија со Фамосан не би требало да се причина за тврда и сува столица. Тврдата и сува столица најчесто се асоцирани со типот на храната која ја конзумирате, како и регуларноста на оброците. Доколку имате запек или намате дефекација по неколку дена, пратени со нагони за празнење кое истовремено е отежнато, ако има промени и во самата столица од тип на слуз или крв во столицата, а особено ако сте на возраст над 50 години, препорачуваме доиследување на дебелото црево (колоноскопија).
Доколку сте на возраст под 50 години и немате промени во изгледот на столицата, се препорачува најпрво промена во начинот на исхраната (редовни оброци и храна богата со растителни влакна, зголемено конзумирање на зеленчук и овошје, намалено конзумирање на црвено месо), а потоа и примена на пробиотици, лаксативи и спазмолитици доколку истовремено имате и болка. Доколку со овие мерки не се подобрува столицата, тогаш може да се размислува за дополнително иследување на дебелото црево.
Поздрав,
Биљана
Vi blagodaram na odgovorot.
pozdrav kirko