Денес се одбележува Светскиот ден на туберкулозата, ден посветен на борбата против туберкулозата
Денес светот го одбележува 24 март, Светскиот ден на туберкулозата, ден посветен на борбата против туберкулозата. Иницијативата е со цел да се да се подигне свеста за товарот од туберкулозата (ТБ) во светски рамки, воедно и за статусот на напорите за превенција и заштита од туберкулоза. Овогодинешната тема е: “Здружени да ја елиминираме туберкулозата – никој да не биде заборавен!”
Минатата година, Светската здравствена организација објави дека 10,4 милиони луѓе се заболени со ТБ и 1,8 милиони случаи на смртност од ТБ во 2015 година, ТБ е на врвот на листата од заразните убијци во светот.
Секој може да се зарази од ТБ, но таа е најприсутна кај луѓето кои живеат во сиромаштија, заедници и групи кои се маргинализирани и останати ранливи групи.
Оваа година се одбележува 135-годишнината од објавувањето на д-р Роберт Кох во 1882 година за неговото откритие на бацилот на туберкулозата, причината за туберкулоза. Неговите истражувања го отворија патот кон дијагностицирање и лекување на оваа болест. Туберкулозата како болест може да се излечи, но и покрај тоа таа останува деструктивна епидемија во голем дел од светот. Светскиот ден на ТБ е можност за сите луѓе од целиот свет да се придружат во борбата со едукација на другите против ТБ повикувајќи ги владите да преземат акција.1
Македонија активно презема мерки за превенција, лекување и елиминација на туберкулозата.
Оваа година, во рамки на одбележувањето, ќе се одржи настан, организиран од Националниот координативен механизам и ЈЗУ Институт за белодробни заболувања, со поддршка на Министерството за здравство, преку програмите подржани од Глобалниот фонд за борба против ХИВ/СИДА, туберкулоза и маларија. На настанот ќе се обратат и дискутираат експерти и претставници од граѓанскиот сектор кои директно работат со оваа проблематика и даваат свој придонес во превенција и елиминација на туберкулозата. Прес конференцијата ќе се одржи денес, со почеток од 11 часот во хотел АРКА.
Референци:
Институт за јавно здравје на Република Македонија – СВЕТСКИ ДЕН НА ТУБЕРКУЛОЗА – 24 МАРТ
