На 5ти Мај, званично со јавен повик за регистрирање на читатели, автори и рецензенти почна да работи првото македонско онлајн списание од областа на медицината, ММЕС.
Македонско медицинско електронско списание (ММЕС) е списание од областа на медицината и сродните науки кое се бави со објавување на статии од базична медицина, клиничка медицина, приказ на случаи, ревиски трудови, јавно здравство, историја на медицина, магистериуми и докторати на македонски јазик. Целокупниот процес на поднесување ракописи, рецензирање, комуницирање, складирање, читање и симнување статии е електронски. Статиите се објавуваат според бизнис моделот на Отворен пристап, односно пристапот до објавените статии, нивното користење без ограничување, доколку се цитираат оригиналните автори и изворот. Носители на авторските права се авторите.
Секој заинтересиран доктор по медицина може да се регистрира во ММЕС на следнава УРЛ адреса:
http://www.id-press.eu/mmej/user/register
Со регистрирањето можете да дефинирате дали сакате само да читате, да бидете автор, или да рецензирате труд од ова списание. Заинтересираните за членување во Уредничкиот тим треба да ме контактираат со и-мејл.
