Споделете со пријателите!
Синдромот наречен „Минхаузен од интернет“
„Минхаузен од интернет“ е модел на однесување според „Синдромот на Минхаузен“, каде што интернет корисници привлекуваат внимание, со тоа што се прикажуваат како лажно болни на форумите и групите направени за поддршка, помош и комуникација на оние коишто се навистина болни. Извештаите на корисници коишто лажат на интернет дека се многу болни или жртви на насилство, за прв пат се појавуваат во 90-тите години и овој начин на однесување, за прв пат бил забележан во 1998 година, од психијатарот Марк Фелдмен, кој го именувал и обработил овој синдром во 2000 година.
Развојот на лажните заболувања во онлајн платформите е значително олеснет благодарение на достапноста од медицинска литература на интернет и загарантираната анонимност која што овозможува создавање безброј лажни онлајн идентитети.
Синдромот на Минхаузен е психијатриски синдром на лажно болни, именуван е по германскиот барон Минхаузен – најголемиот лажго во историјата на човештвото. Ова нарушување претставува сериозна закана за здравјето на „болниот“ кој измислува болести со цел да привлече внимание
Споделете со пријателите!
