Всушност, ова не е првата далечна хирургија успешно спроведена со поддршка на 5G технологијата, но е дефинитивно првата далечна хирургија на човечкиот мозок!
На пациентка која боледува од Паркинсонова болест беше изведена првата кинеска 5G-базирана далечна хирургија со успешна имплантација на длабока мозочна стимулација од страна на кинеската болница (People Liberation Army General Hospital), со помош на China Mobile и Huawei 5G технологијата.
5G мрежата реши проблеми како што на времето тоа го направи пронајдокот наречен далечински управувач!
„Се надеваме дека во иднина ќе можеме целосно да се потпреме на 5G мрежата и истовремено успешно да ги искористиме нејзините предности!“ – вели Линг Зипеи, главен лекар на Првиот медицински центар во Пекинг и Одделот за неврохирургија на болницата Хаинан.
Oперацијата траела околу три часа. Линг ја започнал операцијата во 9.00 часот наутро во градот Санја, манипулирајќи со хируршки инструменти оддалечени 3.000 километри oд Пекинг со микронска компјутерска прецизност преку 5G мрежата, за успешно да имплантира длабока мозочна активност на мозокот на пациентот.
„Се чувствувам добро“, изјавил пациентот по операцијата.
„Работев во Пекинг и Хаинан, а операцијата се случи за време на мојата ротација во Хаинан. На пациентот со Паркинсонова болест во Пекинг му беше потребен хируршки зафат, а јас не бев во можност да летам за Хаинан, па морав да го сторам ова“, рече Линг.
Се надеваме дека во иднина ќе може ова да го примени секоја висококвалитетна болница. На овој начин, се повеќе пациенти ќе можат да се лекуваат во своите локални болници!
“Во иднина, висококвалитетните експерти од високо котираните болници ќе имаат можност да работат директно на пациентите, и покрај тоа што тие се оддалечени од нив, успешно ќе можат да извршат операции кои претходно беше невозможно тешко да се завршат” – додаде Линг.
Успехот на далечната хирургија реализира голем напредок во кинеската телемедицина, од далечинско набљудување, консултации и насоки за работа!
Како една од најчестите болести кај стареењето, Паркинсоновата болест е мозочно растројство што доведува до оштетување на доброволните движења, како и тремор, бавност и вкочанетост.
Во 2016 година имало 6,1 милиони лица кои боледувале од Паркинсонова болест на глобално ниво, во споредба со 2,5 милиони во 1990 година, според извештајот објавен во The Lancet Neurology.
Иако не постои лек за болеста, длабока мозочна стимулација може да биде третман за менување на животите на некои луѓе! Успешната операција им овозможува на луѓето потенцијално да ги намалат лековите и да го подобрат нивниот квалитет на живот.
Всушност, ова не е првата далечна хирургија успешно спроведена со поддршка на 5G технологијата.
Kомплицираната хепатална операција беше извршена во болница во Шенжен, под инструкции во реално време на експерт во Пекинг, благодарение на сликите со висока дефиниција, пренесени живо, овозможено со брз 5G интернет пристап.
Првобитно, Шенженската народна болница, каде што беше спроведена операцијата, побара хируршко планирање и упатства на лице место од Донг Џајанг, меѓународно познат хепатален хирург со седиште во болницата Цинхуа Чанг Гун во Пекинг, бидејќи операцијата беше премногу тешка за локалните лекари да би можеле да асистираат.
Но, благодарение на ниската латентност, големиот пропусен опсег и голема сигурност на преносната 5G мрежа, Донг успеа да ја надгледува ситуацијата во реално време во операционата сала од 2.200 километри во Шенжен и постојано без проблем да може да дава инструкции.
Пред тоа, лекарите во двете болници заеднички спроведоа онлајн проценка на пациентот и го завршија точниот дизајн на операцијата.
„Доаѓањето на ерата 5G им овозможи на лекарите да вршат далечинско предоперативно планирање и хируршка соработка“, рече Донг, бидејќи ограничувањата на времето и просторот се прекинати.
Далечината хирургија со 5G технологија е еден од најновите обиди на луѓето кои работат во различни сектори. Нејзиниот успех го отвори патот за идни релевантни истражувања и го премости јазот на нерамнотежата на медицински ресурси меѓу различните региони.
Како 5G технологијата станува позрела, нејзинaтa апликациjа во транспортот, земјоделската и здравствената индустрија се обврзани да процветаат дури и повеќе од времето на 4G!
