Денес Тунел карпалниот синдром се вбројува во професионални заболувања поради зачестена работа на компјутер
Ви се случило ли изведувајќи ги секојдневните активности да почувствувате ненадејна, продорна болка која е проследена со грчеви и се движи од рачниот зглоб кон прстите? Доколку е така голема е веројатноста да страдате од Карпал тунел-ов синдром.
Карпал тунел синдромот претставува медицинска состојба која настанува како резултат на зголемен притисок на n.medianus, кој минува низ т.н carpal tunnel-ов простор. Поради честите движења на рачниот зглоб, нервот се воспалува и доаѓа до негово надразнување. Карпал тунелот – „премин” изграден од коските на зглобот и лигаментите е канал низ којшто минуваат медијалните нерви и тетиви. N.medianus или т.н медијален нерв ги контролира чувствата во дланките од страна на палецот и прстите со исклучок на малиот прст.
Причините за манифестација на овој болен синдром на дланката се многубројни.
Секоја промена која предизвикува стеснување на каналот од рачјето доведува до комресија на медијалниот нерв. Денес Тунел карпалниот синдром се вбројува во професионални заболувања поради зачестена работа на компјутер.
Фактори на ризик кои доведуваат до појава на овој синдром се:
- Наследноста како многу важен фактор кој може да придонесе за стеснување на просторот низ кој минуваат нервите;
- Повторливи движења на рачниот зглоб кои предизвикуваат оток како резултат на зголемениот притисок врз нервите;
- Позицијата на раката и рачниот зглоб за време на вршењето на секојдневните активности;
- Хормоналните промени кои настануваат за време на бременоста;
- Здравствените состојби како дијабетес, артритис и нерамнотежа на тироидната жлезда може да предизвикаат појава на овој синдром.
Симптомите почнуваат постепено со вкочанување, боцкање на дланката и прстите особено во пределот на палецот и показалецот. Често пати пациентите имаат чувство на воспаление или безчувствителни прсти. Симптомите се појавуваат најчесто во текот на ноќта поготово ако е зглобот преклопен, но доколку се влоши состојбата болките се јавуваат и во текот на денот. Тогаш раката тешко може да се собере во тупаница и се отежнуваат суптилните движења на прстите. Кај хронични и нетретирани случаеви мускулите во основата на палецот стануваат неспособни до тој степен што немаат осет за топло и ладно. Исто така, доколку не се реагира навремено може да дојде до дегенеративни промени на нервот, а со тоа и до атрофија на мускулите кои тој ги инервира.
Доколку се практикуваат следниве едноставни вежби може да се олеснат непријатните болни симптоми:
- Двете раце цврсто притиснете ги во тупаници и држете ги така неколку секунди, а потоа одеднаш исправете ги прстите. Повторете 10 пати.
- Правете 10 кружни движења со рачниот зглоб кон внатрешна и 10 движења кон надворешна страна.
- Правете кружни движења со палците.
- Цврсто притиснете ги дланките. Лактовите да бидат во висина на рамената. Со стиснати прсти раздвојувајте ги дланките, зголемувајќи го растојанието помеѓу рачните зглобови. За време на движењата прстите постојано да бидат споени. Повторете 10 пати.
- Дигнете ги рацете во висина над главата па потоа пуштете ги да паднат слободно надоле.
Ако се дијагностицира навремено и лекува, тогаш може да се подобри ситуацијата без хируршка интервенција. Препорачуваме имобилизатори за рачен зглоб кои овозможуваат соодветна потпора и имобилизација, ослободуват од болка, го намалуваат притисокот врз нервите и го одржуваат зглобот во правилна положба при извршување на активностите.
Сите модели на имобилизатори и стегачи може да ги добиете во продавницата
„СуперОрто“ која се наоѓа во С.Ц. Борис Трајковски
www.superortho.com.mk
www.facebook.com/superorthomk.com.mk
тел: 02/309-5002
моб: 070/215-994
* комерцијален текст
