Метју Меконахи и неговите драстични физички трансформации за две филмски улоги направи големи фитнес трансформации
„Суетата е одлична мотивација, да бидеме искрени“ е одговорот на познатиот холивудски актер Метју Меконахи кога го прашале што било тоа што го мотивирало да направи мускулесто тело за неговата улога во филмот „Магичниот Мајк“, каде што глуми стриптизер.
Овој врвен актер, добитник на Оскар, целосно се вложува во своите улоги и неколку пати досега имал драстични физички трансформации. Ако мотивацијата за „Магичниот Мајк“ му била мотивацијата да се покаже пред 300 жени, како што тој на шега коментира, мотивацијата за неговите познати филмски остварувања била да се портретира карактерот најдобро што може. Така, за својата улога во „Далас Бајерс Клаб“ тој изгуби скоро 18 кг за неколку месеци. Бидејќи немал време да јаде храна со малку калории, тој применувал диета која што се состоела најмногу од пиење течности, јадел само риба и зеленчук. Најмногу пиел чај. На почетокот вежбал интензивно сè додека не се повредил. Потоа увидел дека подеднакво губи килограми и ако не вежба, па престанал.
Ваквата диета не само што е драстична, таа е многу опасна за бубрезите и црниот дроб.
За неговата најнова улога во филмот „Злато“ тој се здебели повеќе од 20 кг. во период од 6 месеци. Тој јадел исклучиво брза храна, пица, сендвичи и пиво. На неодамнешната премиера на филмот, тој сепак успеа да ги симне килограмите и изгледа здраво и со мускулесто тело. Тој има личен тренер со кој вежба повеќе денови во неделата, а кога не е во сала за вежбање, трча.
