Гинко Билоба е едно од најстарите видови дрвjа во светот со потекло од Кина.
Гинко Билоба претставува дрво кое има потекло од Кина и кое научно е докажано дека е едно од најстарите видови дрвjа во светот. Активните компоненти кои го прават ова растение полезно за нашето целокупно здравје доаѓаат од неговите карактеристични листови. Неговите листови содржат гинкофлавоноиди, гинколиди и билобалиди. Ова растение има многу индикации каде може да се користи, во овој момент би издвоиле неколку.
Земањето на суплементи на основа на Гинко Билоба значително придонесува за подобрување на концентрацијата. Бројни студии се направени и една од поголемите студии која е спроведена на 262 испитаници на возраст од 60 години сугерира на значително подобрување на тестови за препознавање и паметење лица (селективен тест за меморија) од групата која примала само плацебо. Научниците велат дека подобрувањето на когнитивните функции се должи на двојно дејство на Гинко Билоба, односно подобрувањето на протокот на крвта во мозокот и заштита на мозокот од неуролошки оштетувања.
Значително намалување на анксиозноста се забележало и со само 1 месец користење на суплемент со Гинко Билоба. Значително подобри резултати во одност на намалување на симптомите на анксиозност се постигнати доколку Гинко Билобата се комбинира со препарати кои содржат Омега 3 масни киселени, околу 20% подобрување е забележано кај овие пациенти.
Исто така Гинко Билобата стимулирајќи проток на крвта низ целото тело помага за подобрување на добросостојбата на целото тело и повеќе енергија во текот на денот. Активните компоненти кои ги содржи делуваат како антиоксиданси и помагаат за исфрлање на слободните радикали и со тоа спречуваат оксидативен стрес врз клетката. Покрај овие има и низа други својства кои ни ги дава листот од Гинко Билоба како што се антивоспалителни својства и регулација на крвен притисок, а може и да се користи при проблеми со бубрези и црн дроб, воспаление, импотенција, зуење во ушите, ослабување на видот и слухот, вртоглавица, хемороиди итн. Го стимулира користењето на глукоза, па е корисен за дијабетичарите. Ги олеснува тешкотиите кај астма, алергија, Алцхајмерова болест.
Секако пред употреба најдобро е да се консултирате со вашиот лекар или фармацевт за тоа колкава доза и каков суплемент на основа на Гинко Билоба би бил најдобар за вас.
М-р Фарм. Лири Шеху
