elektromagnetnite-polinja-mozhat-da-pomognat-vo-sprechuvanje-na-shirenjeto-na-kletkite-na-rakot-na-dojka_image
Споделете со пријателите!

Како можат електромагнетните полиња да ги блокираат клетките на ракот на дојка и да спречат појава на ширење низ целото тело? Новото истражување открива!
Звучи нереално, но, електромагнетните полиња можат да помогнат во спречувањето на ракот на дојка да се шири на други делови од телото, покажува едно ново истражување!

Оваа студија покажала дека електромагнетните полиња со низок интензитет ја попречуваат подвижноста на специфичните клетки на рак на дојка со спречување на формирање на долги, тенки екстензии на работ на мигрирачката канцерогена клетка. Истражувањето е направено на клетки во лабораторија, а концептот сè уште не е тестиран кај животни или луѓе.

Способноста не само да се размножува локално, туку и да се шири низ целото тело е она што го прави ракот толку погубен – и токму ова го натерало истражувачкиот тим да испита една канцерогена клетка толку детално и прецизно, за подоцна да може подетално да се заклучи што е она што ја прави овој тип на клетка толку деструктивна.

„Во природата на една канцерогена клетка е да направи што поголема деструкција“, вели Јонатан Сонг, водечки автор на студијата. Сонг, асистент професор по механички и воздушен инженеринг на Државниот универзитет во Охајо и член на програмата за молекуларна биологија и канцерогена генетика во сеопфатниот центар за рак на државата Охајо.

Истражувачкиот тим, во кој беа вклучени инженери и биолози за карцином, открил дека клетките на ракот се чувствителни на присуството на електромагнетните полиња, како и на правецот од каде доаѓаат.

За да ги проучат овие ефекти, истражувачите изградиле инструмент наречен Хелмхолц, кој им овозможил да применат електромагнетна енергија на различни видови на клетки на рак на дојка. Покрај тоа, истражувачите изработиле апарат што им овозможувал постојано да ги следат траекторите (патниот правец) на мигрирање на клетките на ракот на дојка, гледајќи ги под микроскоп. Овој апарат, истакнува Сонг, „имитира што всушност се случува во телото во контролирано опкружување, што можеме лесно да биде тестирано и набљудувано.“

Целта на истражувачкиот тим беше да видат дали и како клетките реагираат на таа енергија и каква би можела да биде улогата на електромагнетните полиња во лекување на ракот на дојка во најблиска иднина!

Тимот согледал дека метастатските клетки на тројно-негативниот рак на дојка (естроген рецептор негативен, прогестерон рецептор негативен, HЕR2 негативен, односно високо агресивна форма на рак на дојка) кои по својата природа се резистентни и не реагираат на хормонална или таргет терапија, биле најчувствителни на електромагнетните полиња!

Прочитајте:  Слеп човек прогледува благодарение на бионичко око

Тие исто така откриле дека одредени терапии со лекови можат да ја зајакнат можноста на електромагнетните полиња да ги блокираат клетките на ракот и да спречат појава на ширење, односно метастазирање. Бидејќи ова истражување се одвивало во лабораторија користејќи модел, последиците од овие откритија за пациентите допрва треба да бидат верификувани!

„Но, она што го покажавме е дека овие клетки на ракот стануваат видно помалку метастатски, што нам ни е особено важен наод“, истакнува Сонг.

Нивните откритија претставуваат значаен чекор за истражувачите кои работат на изолирање на начините како клетките на ракот се шират. Идните истражувања можат да се прошират за да ги тестираат електромагнетните полиња насочени кон глувци и ако тие тестови се покажат ветувачки, ќе можат да се применат и на луѓе!

Останува да се видат резултатите!


Споделете со пријателите!