Од денеска жолта (алертна) фаза низ републиката
Согласно најавата од Метео-алармот на Управата за хидро-метеоролошки работи, во наредните денови – од четврток до недела (16 до 19 јуни), подрачјето на целата држава ќе биде под влијание на многу топла воздушна маса од југ, односно температурите ќе се движат во интервал од 35 до 40 степени Целзиусови. Значителен пораст на температурите се очекува во петок и во сабота, кога постои можност целата територија на државата да биде зафатена со температури од портокалова фаза, за што Министерството за здравство во континуитет ќе информира со соодветни препораки за заштита од топлото време.
Инаку, во текот на денешниот ден, само југоисточниот регион ќе биде зафатен со топлотен бран од жолта (алертна) фаза. Овој регион ги опфаќа градовите Гевгелија, Кавадарци, Демир Капија, Штип, Радовиш, Струмица, и околните градови и населени места, каде се предвидуваат температури повисоки од вообичаените за овој период од годината…
Преземено од: Министерство за здравство на Република Македонија
