Споделете со пријателите!
Касно влегување во пубертет, намалена плодност, зголемено ниво на стрес… сето ова може да е резултат од прекумерно консумирање на сол во детските години
Прекумерното внесување на сол може да го одложи влегувањето на нашите најмили во пубертет, но може да предизвика и намалување на плодноста, зголемување на стресот. До таков заклучок дошле истражувачите на Универзитетот од Вајоминг – The University of Wyoming кои го проучувале ефектот на солта врз глувци. Глувците кои внесувале 3-4 пати повеќе сол од препорачаната доза за луѓето навистина влегле подоцна во пубертет во однос на оние кои ги хранеле со нормални количини сол. Научниците кои своите резултати ги презентирале на Европскиот конгрес за ендокринологија, заклучиле дека солта е потребна за правилен развој на организмот, но прекумерното може да влијае на репродукцијата. Задоцнетото влегување во пубертет може да предизвика проблеми во однесувањето, зголемен стрес и намалување на плодноста.
Колку сол е потребно да се консумира?
Стручњаците тврдат дека дневната доза за внесување сол не треба да е повеќе од 5,8 gr (една кафена лажичка), а најдобро е да се внесува 3,7 gr сол дневно. Оваа количина треба да е помалку ако се работи за стари лица и оние кои страдаат од висок крвен притисок. Солта ја има во многу продукти кои ги јадеме секојдневно, па затоа треба да се внимава колку сол внесуваме при јарењето.
Препорачани дневни дози по Светската здравствена организација:
- за деца од 1 год. живот: 1 gr;
- за деца од 1-3 год. живот: 2 gr;
- за деца од 4-7 год. живот: 3 gr;
- за деца од 7-10 год. живот: 5 gr;
- за останатите најмногу: 6 gr.
Споделете со пријателите!
