Вашето тело може да ја плати цената за големиот број на непроспани ноќи. Недоволната доза на квалитетен сон може да го подигне ризикот за добивање дијабетес, посочува неодамнешните истражувања на Универзитетот во Чикаго.
Во оваа студија, на група млади и здрави мажи им било дозволено само 4,5 часа сон дневно. По 4 последователно „непроспиени“ ноќи, нивото на масни киселини во крвта им се покачило за 30 отсто, отколку кај тие што спиеле 8,5 часа на ден.
Д-р Џозин Брусард (Josiane Broussard), водечкиот автор на студијата наведува: „Кога малку спиете, вашето тело има тенденција да лачи хормон за раст во подолги периоди, како и хормоните на стрес од типот на кортизол и адреналин. Оние хормонални промени, се чини дека, ги тераат клетките во вашето тело да се ослободуваат повеќе масни киселини во крвта“.
Сите овие масни киселини му пречат на вашето тело да произведе доволно од хормонот инсулин, кој го регулира шеќерот во крвта. Без доволно инсулин, гликоза во крвта почнува да се таложи, наместо да се апсорбира од вашето тело. Ова може да предизвика нивото на шеќерот во крвта вртоглаво да се зголемува, а со тоа и се зголемува ризикот за заболување од дијабетес.
Вообичаено, само луѓето кои имаат диабетес или страдаат од прекумерна дебелина имаат покачено ниво на масна киселина. Но, ако постојано го скратуваме периодот на спиење, со текот на времето, студија предочува дека вашето тело може да ги развие и двете споменати состојби.
Еве уште 5 причини зошто може да се чувствуваме уморни.
Добрата вест е дека е возможно несаканите ефекти да се вратат во почетната состојба! Според Д-р Брусард, првичните податоци посочуваат дека со доволно спиење може да помогне во регулирање на нивото на шеќер во крвта и подобрување на други метаболички параметри.
