На 11.03.2020 генералниот секретар на СЗО прогласи пандемија на COVID-19.
Тестирани се вкупно 207 материјали во лабораториите во кои се спроведува молекуларно тестирање за присуство на SARS-CoV-2, од кои позитивни се 7 или 3,4% од тестираните. Потврдените случаи се од 3 градови, Тетово, Куманово и Кочани (Табела 1).
Табела 1. Дистрибуција на заболени од COVID-19 по град и општина, РС Македонија, 2020
| Град | Број на заболени | Починати |
| Тетово | 3 | |
| Куманово | 2 | |
| Кочани | 2 | |
| Струга | 1 | |
| Вкупно | 7 | 1 |
Регистрирани се поединечни случаи во скоро сите возрасни групи, а во однос на дистрибуцијата по пол, пријавени се 4 женски и 3 машки лица.
Хоспитализирано е едно лице, а останатите се на домашно лекување. Кај 3 лица е регистрирано присуство на коморбидитети.
Вкупно 6 лица имале контакт со веќе потврден случај на COVID-19 во државата, а не се регистрирани лица кои имале историја на неодамнешно патување (во последни 14 дена).
По добиени два негативни теста за присуство на SARS-CoV-2, како оздравени се водат 24 лица кои биле на домашно лекување.
Во ГОБ 8-ми Септември почина еден пациент на возраст над 70 години, од Струга. Кај починатото лице биле присутни коморбидитети и имал контакт со веќе потврден случај во државата.
Кумулативна состојба со COVID-19 во Република Северна Македонија
Заклучно со 20.04.2020, пријавени се вкупно 1.231 случаи на COVID-19 (I=59,5/100.000).
Според место на постојано живеење/ повремен престој, случаи на COVID-19 се регистрирани во 24 градови низ државата. Најголем дел од нив се регистрирани во Скопје и Куманово, додека највисок леталитет (со исклучок на странскиот државјанин од Кавадарци и малиот број на заболени од Крушево) се регистрира во Струга, Дебар и Тетово.
Согласно последните податоци објавени од СЗО, заклучно со 20.04.2020:
- Број на потврдени случаи на глобално ниво – 2.314.621 (72.846 нови)
- Број на смртни случаи на глобално ниво – 157.847 (5.296 нови)
- Број на зафатени земји/ територии – 214
Европски Регион на СЗО
- Потврдени случаи – 1.149.071 (26.882 нови)
- Смртни случаи – 103.586 (2.648 нови)
Регион на СЗО Америка
- Потврдени случаи – 858.631 (36.771 нови)
- Смртни случаи – 40.615 (2.357 нови)
Регион на СЗО Западен Пацифик
- Потврдени случаи – 132.438 (326 нови)
- Смртни случаи – 5.648 (27 нови)
Источно-Медитерански Регион на СЗО
- Потврдени случаи – 129.433 (4.742 нови)
- Смртни случаи – 6.048 (140 нови)
Регион на СЗО Југо-источна Азија
- Потврдени случаи – 29.576 (2.257 нови)
- Смртни случаи – 1.275 (90 нови)
Афрички Регион на СЗО
- Потврдени случаи – 14.760 (868 нови)
- Смртни случаи – 662 (34 нови)…
Превземено од: Институт за јавно здравје на Република Македонија
