Хипербаричната терапија како примарен или дополнителен тераписки избор во третманот на спортските повреди.
Кога зборуваме за спортување или пак за рекреација и кога ги наведуваме сите тие позитивни страни на активниот спортски живот, мора да ги знаеме и да споменеме по малку и за неубавиот дел од вежбањето, а тоа се повредите. Многу почетници се полни со ентузијазам и „запнуваат” со јако темпо многу брзо, a тоа е најлесен чекор до повреди. Тие можат да бидат чести, но можат и да се превенираат за сосема да се избегнат. Во секој случај, не плашете се, затоа што со правилен пристап кон сите спортски активности, можете да ги избегнете непријатностите предизвикани со исцрпувачката физичка активност. И ова секако подеднакво важи и за почетниците, а и за оние со поголем „спортски стаж”. Голем дел од рекреативците, и покрај некои поситни, таканаречени микро повреди кои предизвикуваат и хронични болки, едноставно не се „предаваат” и не се откажуваат од својата дневна доза на спорт.
Но понекогаш, дури и најмалите болки доколку не бидат третирани, можат да доведат до сериозни компликации.
Секој вљубеник во спортот сака што побрзо да им се врати на спортските терени и да продолжи со двојна сила и експлозивност.
Како е тоа можно со помош на хипербарична комора?
Вдишување на 100% медицински кислород во услови на зголемен притисок. Самата постапка на изведување на е многу едноставна, но самата терапија е многу моќна во однос на регенераторниот потенцијал! Хипербаричниот кислороден третман претставува терапевтски процес при кој луѓето дишат 100% кислород, кој овозможува транспортирање на зголемено количество кислород преку крвта и крвната плазма па се до клеточно ниво. На овој начин клетката се збогатува со повеќекратно количество на кислород од вообичаеното транспортирано на конвенционален(стандарден) начин преку хемоглобинот
Хипербаричната терапија се спроведува како примарен или дополнителен тераписки избор во третманот на спортските повреди. Оштетените клетки добиваат зголемена концентрација на кислород, со што директно го спречуваат процесот на клеточна смрт, а со тоа превенираат атрофија на мускулите, лигаментите и тетивите. Во акутната фаза на повредата, оваа постапка делува позитивно, намалувајќи го отокот, болката, истовремено спречувајќи настанок на инфекција, со што се создаваат услови за побрзо закрепнување и враќање на спортистот во првобитната активна фаза.
Хипербарична кислородна терапија прво се користела во САД во почетокот на 20 век. Ова било кога Орвил Канингам користел чист кислород за успешно лекување некој кој умира од грип. Тој развил хипербарична комора, но ја демонтирал откако неговата терапија за други услови не успеала.
Терапијата повторно се обновила во 1940-тите, кога американската морнарица користела хипербаричен кислород за лекување на морски нуркачи кои имале декомпресивна болест. До 1960-тите, терапијата исто така се користела против труење со јаглероден моноксид.
На кој начин дејствува овој хипербаричен кислород?
Воздухот што го вдишуваме содржи 21% кислород на атмосферски притисок од 760мм живин столб. Кога вдишуваме чист кислород на притисок повисок од атмосферскиот, хипербаричниот кислород растворен во крвта и во крвната плазма ја храни секоја можна клетка! Овој дополнителен кислород длабоко продира во зоните сиромашни со кислород, што е предизвикано од повреди или од хронични проблеми со заболувања, со што се создаваат услови за побрзо и поефикасно закрепнување и враќање на претходната кондиција!
Хипербаричната комора ја спречува т.н. “реперфузиска повреда“! Тоа е сериозно оштетување на ткивото што се случува кога снабдувањето со крв се враќа во ткивата откако комплетно ќе бидат лишени од кислород. Кога протокот на крв е прекинат поради повреда, следат серија на настани во оштетените клетки, што доведуваат до ослободување на штетни радикали на кислородот. Овие молекули можат да го оштетат ткивото и да се спречи протокот на крв. Хипербаричната комора ги редуцира кислородските радикали на телото кои го спречуваат продолжувањето на процесот на лекување.
Koмората поради тоа што има способност да ги инхибира токсините на одредени бактерии, помага да се блокира дејството на штетните бактерии!
Со тоа допринесува во зајакнување на имунолошкиот систем на телото. Исто така, поради тоа што ја зголемува концентрацијата на кислород во ткивата, помага организмот да се спротивстави на инфекцијата. Покрај тоа, терапијата ја подобрува способноста на белите крвни клетки да ги пронајдат и уништат напаѓачите.
Поттикнува и формирање на нов колаген (сврзно ткиво) и нови клетки на кожата!
Тоа го прави така што го поттикнува создавањето на нови крвни садови. Исто така ги стимулира клетките да произведуваат одредени супстанции, како васкуларен ендотелен фактор на раст. Овие ги привлекуваат и стимулираат ендотелните клетки неопходни за заздравување.
БЕНЕФИТИ од спроведување на хипербарична оксигенација
- Прочистување и детоксикација на организмот
- Зајакнување на имунитетот
- Физичка и ментална кондиција
- Забрзување на метаболизмот
- Намалување на телесната тежина
- Забавено стареење
- Подобрување на сонот
Хипербаричните кислородни третмани се изведуваат според светските стандарди за безбедност. Во текот на третманот клиентите кои се под постојан аудио-визуелен надзор од специјално обучен кадар за управување со хипербарична комора.
Третманот се одвива во 3 фази:
Фаза на компресија:
- во текот на оваа прва фаза се зголемува притисокот во комората, со цел да се постигне потребниот притисок на кој се изведува успешно третманот. Притоа се чувствува притисок во ушите како при летање во авион или при качување на планина.
Фаза на изопресија:
- фаза во која се одржува притисокот во комората. Преку кислородна маска клиентот добива соодветна количина на кислород. Ова се моменти на релаксација и целосно искористување на позитивните ефекти на кислородот. Траењето на оваа фаза е определена претходно и е различна за секого, според намената.
Фаза на декомпресија:
- последна фаза во која постепено се намалува притисокот. Брзината на намалување е приспособена според индивидуални потреби. Просечното траење на оваа фаза изнесува 10-15 минути.
Спортисти, подгответе се!
На што треба да обрнете внимание пред почетокот на оваа терапија?
- ПРЕД да започнете, стручните лица ќе можат да ви објаснат подетално кон кои правила треба особено да се придржувате додека сте во хипербаричната комора;
- ПРЕД изведувањето на третманот потребно е да се пополни прашалник, односно согласност за изведување на хипербаричен кислороден третман, како и да се направи проценка на клиентот за кои не се препорачува изведување на ваков тип на третман;
- 4 часа пред изведување на третманот не се препорачува консумирање на алкохол, газирани пијалаци и пушење;
- Пред третманот се советува да се консумира полесен оброк;
- Облеката што ќе ја носите пожелно е да е 100% памук. Секој добива заштитен мантил, капа и заштита за обувките;
- Извадете го целиот накит, часовникот, очилата или контактните леќи;
- Во хипербаричната комора строго забранети се мобилните телефони, електронските уреди или други запаливи предмети;
- 24 часа по изведување на хипербаричниот кислороден третман не се препорачува патување со авион;
Знаејќи го ова, слободно можете да им се препуштите на спортските задоволства!
