ХПВ може да добие секој кој е сексуално активен, бидејќи вирусот се најчесто се пренесува преку сексуален однос
Хуман папилома вирус е најчестата сексуално пренослива инфекција, кај оние сексуално активни мажи и жени кои во некој период од животот се изложени на вирусот. ХПВ вирусот се пренесува од контакт кожа на кожа преку сексуален однос. Иако повекето ХПВ инфекции се бенигни, предизвикувајќи брадавици на рацете, носете и гениталиите, постојат и типови на ХПВ кои можат да предизвикаат развој на канцер.
ХПВ може да добие секој кој е сексуално активен. Многу често инфицираните немаат никакви симптоми на вирусот. Вирусот може да се пренесе на новороденче за време на породување предизвикувајќи инфекции на гениталиите или респораторни инфекции. Важно е да се знае дека типовите на ХПВ кои предизвикуваат брадавици се различни од оние типови кои предизвикуваат рак. Брадавиците често исчезнуваат и без третман, но вирусот е присутен па тие можат пак да се појават на друго место.
Иако лек за ХПВ не постои, сепак може да се превенира односно, да се внесуваат здрави намирници и додатоци во исхрана кои имаат антивирално дејство. Најдобриот начин за третман против ХПВ е да се појача имуниот систем со тоа што ќе се уништи инфекцијата природно. Се препорачува внес на намирници кои природно се борат потив ХПВ, храна богата со витамин Ц, како цитрусни овошја и јагоди, храна која е богата со пробиотици како кефир, како и суплементи со пробиотик, храна со висока содржина на селен на пр. Бразилски ореви и печурки. Растенија кои имаат антивирално дејство и можат да се користат во превенција или третман на ХПВ односно третман на брадавици се: ехинацеа, невен, лук, ѓумбир, лист од маслинка, оригано. Овие растенија освен антивирално дејство имаат и кардиопротективно и антиинфламаторно дејство.
Затоа што нема лек за ХПВ, превенцијата е задолжителна. Се препорачува користење на презервативи при сексуален однос, избегнување на сексуални односи со личност која има видливи симптоми на ХПВ орални и генитални брадавици. Редовна контрола на гинеколог, односно папаниколау тест (ПАП) се препорачува да се прави еднаш годишно.
Д-р Гордана Шалиевска Павлеска, специјалист гинеколог
