Многу родители не ги знаат или не ги практикуваат ефикасните методи и начини за заштита на своите деца од сончевите зраци.
Заштитата на нежната кожа на децата на возраст од 1 до 3 години од интензивните зраци на сонцето во текот на летото е клучна за спречувањето на појава на воспаленија, алергии и изгореници.
Денеска постојат голем број на ефикасни методи за заштита на детската кожа од сончевите зраци што можат да се користат. Оттука, родителите треба им обезбедат на своите деца сè што можат за да ги заштитат од зрачењето на сончевите зраци што можат да предизвикаат низа опасности за детската кожа. Сепак, многу родители не ги знаат или не ги практикуваат овие методи и начини за заштита на своите деца со што, освен што ги ставаат во опасност за различни кожни воспаленија и алергии, дополнително го зголемуваат ризикот за појава на рак на кожа.
Што треба да обезбедат родителите за да го заштитат своето дете од сонце?
Заштитни средства
Заштитните средства за сончање не беа препорачливи кај новороденчињата помали од 6 месеци, додека кога стануваат збор децата од 12 до 36 месеци, неговата употреба е есенцијална. Заштитните кремови, спрејови и лосиони со СПФ 15 или повисоко се одличен избор за децата за време на летниот одмор. Во зависност од местото на коешто ќе поминете дел од летото со вашето дете, доколку одите покрај вода размислете за заштитни средства коишто се водоотпорни.
Сенка
Исто како и новороденчињата и бебињата (0-12 месеци) и децата на возраст од 1 до 3 години треба да се чуваат заштитени под сенка во периодот помеѓу 10 и 16 часот. Особено кога децата играат подолго на отворен простор осигурете се дека тоа го прават под соодветна сенка за да не добијат изгореници од сонцето.
Заштитна облека
Одберете удобна памучна облека со долги ракави, којашто ќе обезбеди соодветна заштита од ултравиолетовите зраци на сонцето. Настрана од памучната облека, може да набавите заштитна облека со ултравиолетов фактор (УПФ) за заштита од сонце којашто обезбедува дополнителна заштита за детската кожа. Имено, Фондацијата за рак на кожа препорачува заштитна облека обележана најмалку со УПФ 30. Капите, шеширите и очилата за сонце се, исто така, неопходни за заштита од интензивните зраци на сонцето.
Колкаво количество средство за сончање е доволно за малите деца?
Според Американската академија за дерматологија, повеќето луѓе нанесуваат средства за заштита од сонце само околу половина од количеството што всушност се препорачува да се нанесе. Колку е доволно?
Околу 30 грама заштитен крем за сончање е отприлика доволно за соодветна заштита на изложените области на телото на возрасните, а на повеќето млади деца им треба околу половина од тоа. Не заборавјате дека изложените предели на телото не се само нозете, рацете и лицето, туку и вратот, ушите, дланките и стапалата. Усните, исто така, бараат соодветна заштита, оттука, осигурете се дека сте понеле балсам за усни со СПФ 15.
Колку често треба да се нанесува средство за заштита од сонце на детската кожа?
Средството за заштита од сончање треба да се нанесе околу 15 до 30 минути пред да вашето дете да се изложи на сонце. Без разлика дали средството за сончање е водоотпорно, потребно е да го нанесувате на секои два часа или почесто во целиот период додека вашето дете е изложено на сонце. Исто така, не заборавајте дека и во облачните денови треба подеднакво да го заштитите вашето дете бидејќи дури 80 отсто од цончевите зраци продираат низ облаците.
Кое средство за сончање е најбезбедно за вашето дете?
Некои средства за заштита од сонце се подобри од другите. Што да барате во средството за заштита од сонце?
- Да е водоотпорно;
- Да штити од УВА и УВБ зраци;
- Да содржи титаниум диоксид и цинк оксид – хипоалергични состојки кои остануваат на врвот на кожата, наместо да се апсорбираат во неа;
- Да има заштитен фактор СПФ 15.
