Овој рецепт е она што го добивате кога на паста ала норма ќе додадете креативност
Ова не е вистинска паста ала норма, дека модриот патлиџан е печен, но е многу вкусна. Исто така, кога е печен, модриот патлиџан полесно се прави, односно не мора да се меша да не се залепи во тавчето како кога се пржи. Потребно е многу помалку масло за печење, и обично правам поголема количина, па дел употребувам во други рецепти, како овие салати со наут или со кус-кус, во тесто заедно со други зеленчуци или во супа. а и секој си става онолку коцки на своите шпагети колку што сака.
Повеќе како идеја, а не строг рецепт:
Еден модар патлиџан, исечете го на коцки и во големо тавче (ако сакате врз хартија за печење) помешајте го со малку маслиново масло, сол, бибер и заатр, и печете го на 200°C, околу 15 минути или додека не омекне. Во тавче на малку масло ставете да се пржи еден кромид, средно исецкан, а потоа и една лута пиперка.
Во тенџере, 2 или 3 домати прелијте ги со зовриена вода и оставете ги 30-тина секунди во водата. Потоа извадете ги, излупете ги и исецкани додајте ги кај кромидот и пиперката. Гответе го сосот на средно 10-тина минути, додека малку не се згусне, а потоа додајте едно лукче, смачкано, сол, бибер и свеж босилок.
* рецептите со во целост преземени од ситно сецкано
