Зошто Кинезите се неприкосновено најдобри во пинг-понг и која е цената да се биде олимписки шампион од Кина?
Откако играта пинг-понг стана олимписки спорт во 1988 година, кинеските натпреварувачи ги добиваат скоро сите медали. Не може едноставно да се каже дека нивната доминација во овој спорт е производ на дисциплина и тренинг, бидејќи сите олимпијци го прават истото. Тренирањето и подготовките за оваа игра, Кинезите ги имаат усовршено до крајни граници.
Прво, пинг-понг е многу популарен спорт во Кина и да се победи на државниот шампионат е скоро добиен медал. Тоа значи дека селекцијата за Олимпијада е многу строга, а методите на селекција безмилосни. Второ, во Кина, тестови за спортски вештини се изведуваат уште од најмала возраст. Возраста за тестирање за вештини во пинг-понг е пет години. Избраните таленти имаат можност уште од 12 години да престанат со школување за целосно да се посветат на спортот. Исто така, Кинезите многу внимаваат и на специфичната техника на играње.
Карактеристично за кинеските спортисти е дека тимот за психолошка поддршка, воедно се и експерти за пинг-понг.
На тој начин тие ги поврзуваат тренинг програмите за ментални вештини со тактички планови. Воедно, во кинескиот тим има и многу аналитичари чија работа е да ја проучуваат играта на најдобрите играчи кои што не се од Кина, барајќи слаби точки во нивната игра. Светот се увери до каде оди кинеската посветеност за успех во овој спорт, кога на ЛОИ 2004 година, тренерот Cai Zhenhua избрка четворица играчи од олимпискиот тим, бидејќи биле заљубени. Неговата изјава за оваа одлука, била дека во годината кога спортистите се подготвуваат за Олимпијада, ништо не треба да им застане на патот до победата. Ma Long, светскиот број еден во пинг-понг ја продолжува кинеската доминација на Игрите во Рио годинава.
