Јовица Андовски учествуваше на вториот состанок на министрите за здравство на 16 држави од Централна и Источна Европа и Кина
Заменик министерот за здравство, м-р Јовица Андовски, од 19 до 21 јуни 2016 година, учествуваше на Вториот состанок на министрите за здравство на 16 држави од Централна и Источна Европа и Кина, што се одржа во Суџоу, провинција Џиангсу и во Шангај во Народна Република Кина, во организација на Националната комисија за здравство и планирање на семејството на Народна Република Кина.
Темата на состанокот беше продлабочување на прагматичната соработка и промовирање на одржлив развој во областа на здравството, а сесиите во рамки на состанокот беа посветени на повеќе теми, како што се: соработка меѓу болниците, соработка меѓу институтите за јавно здравје, форум на младите, традиционална кинеска медицина, и др...
Преземено од: Министерство за здравство на Република Македонија
