Споделете со пријателите!
Дијареа во раното детство е второ најчесто пореметување веднаш по респираторните инфекции. Најчесто се јавува кај деца на возраст од 1 до 3 години. Проливот брзо може да доведе до дехидратација, особено кај децата кои повраќаат. Затоа е клучно да се изврши рехидратација на организмот.
На вашите прашањата еднаш неделно ќе одговара Прим. д-р Жаклина Шопова
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Почитувана докторка, имам синче 6 години од вчера почна да повраќа во млазови и да има проливи, не јаде, температура 38,3, цела вечер не спиевме. Денес е малку подобар но се плашам да не го повтори. Дали може да е вирус и што препорачувате?
Со оглед дека се работи за дете кое многу брзо може да дехидрира: сува усна, чуство за жед, кожата да е сува и набрана, да стане малаксано, поспано, потребно е веднаш да се започне со давање на средства со кои ќе се надокнадат изгубените течности и електролити преку уста, почесто но помалку, што би рекле една голтка на секој 5 минути. За таа цел треба да се земе препарат кој во својот сотав ги содржи потребните електролити од една страна, но и да има пробиотик – S.Boulardii кој ке ја регулира цревната флора, ке ги инхибира токсините на предизвикувачот на проливот, а има и противвоспалително дејство. Се разбира дека, потребно е да се дават и лекови за нормализирање на покачената температура, адекватна исхрана (бистри супи, булјон од варен зеленчук-морков, компир, варен ориз, печена јаболка, банана, чај незасладен, обемастени кравји сирења и кашкавал, кисело млеко кравјо разредено со вода, тврдо варено јајце… ). Доколку и покрај наведеното, повраќањата не се смират, се разбира дека треба да се побара лекарска помош во соодветна институција.
Pocituvani na malata- 4god od vtornikot do denes sekoja kaka mu e proliv, sega se vekje mnogu vodesti .Ni dadoa preventivno Lineks i elektroliti. Nekoj sovet vas, so koj bi se sprecilo prolivceto i pricina zosto dojde do vakva promena?
Од Вашето кажување кај Вашето дете најверојатно се работи за цревен инфект кој во овој период најчесто може да е од вирусна етиологија. Без разлика која е причината, најважно е да се надокнадуваат течностите и електролитите кои се губат со проливот. Добра стрaна е тоа што Вашето дете не повраќа па веќе сте почнале со надокнада со електролит преку уста кое треба да го продолжите, но и со давање на пробиотик кој во својот состав ги содржи „нормалните“ бактерии кои се присутни кај децата и доенчињата: Lactobacillus Rhamnosus sp1, како и витаминот Д3 кој во овој случај ќе го манифестира своето антиинфламаторно дејство, ќе го заштити зидот на цревата, и ќе помогне во обновување на оштетената цревна слузница.
Почитувана докторка, имам ќеркичка 8 год.,мала тел.тежина за таа возраст 20 кг.слаб имунитет и често имаме проблеми со стомачни инфекции.Се манифестираат со интензивно повраќање,висока температура и проливи при што за неколку часа доаѓа до дехитратација и завршуваме со инфузии на детска клиника.Има ли нешто ефикасно за рехидратација што може да се примени во домашни услови?Однапред ви благодарам
Почитувана Ивана, колку што Ве разбрав Вашата ќерка во моментот нема тегоби, но Вие сакате да знаете како би ја рехидрирале во домашни услови. Се разбира дека по однос на рехидратација во домашни услови постојат повеќе препарати за таканаречена орална рехидратација која е најприфатлива, најбезболна за децата, но и за возрасните. Се препорачуваат комбинирани препарати кои во својот состав содржат електролити, но и култура на живи лиофилизирани клетки на пробиотикот Saharomyces bulardii во одредена количина кој несамо што го оневозможува дејството на бактериските токсини, туку има влијание на нормалната микрофлора, забрзувајќи ја нејзината функционалност, регулирајќи го имунолошкиот одговор. Овие препарати се присутни на пазарот во облик на прашак кој се раствора во 250мл. превриена вода оладена на собна температура, се пие во помали количини (една до две голтки на секои 5-10 мин.). За Вашата ќерка доволно би биле две вакви кесички за 24 часа.
Почитувани , малиот пред 4-5 дена многу повраќаше, а имаше и пролив неколку пати.Успавме некако да го смириме нагонот за повраќање, но сеуште има течни столици,ослабен е , без апетит и делумно дехидриран.Што ни препорачувате?
Со оглед дека се работи за мало дете (возраста не е наведена), а велите дека повраќањето се смирило, во тој случај можете да започнете со внес на течности преку уста, надополнети со правилна диетарна исхрана (соодветна за возраста). Течности кои би требало да се внесат се препарати кои во својот состав содржат електролити, но и пробиотик кој ќе делува на воспоставувањето на нормалната микрофлора во цревата, ќе ги врзи бактериските токсини (доколку причината е бактерија) ќе го регулира имунолошкиот одговор, ке ја нормализира столицата. На пазарот овие комбинирани препарати (сол за рехидрирање и култура на живи лиофилизирани клетки на пробиотик) се присутни во облик на прашкови кои се дозираат во зависност од возраста, а се едноставни за припрема: се раствараат во 250 мл. превриена вода оладена на собна температура. Се консумираат почесто во помала количина.
Здраво, рубриката би е супер
моето прашање е: Лани на одмор детето ми доби стомачен вирус со повраќање и дијареа а бевме на место каде немасе аптека па моравме да го прекинеме одморот. Што во ваква ситуација доколку повторно се случи, дали има алтернативно решение? Однапред и благодариме на докторката.
Поздрав Марија, патувањата со мали деца се предизвик плус поради што генерално се сугерира да си приготвите т.н. патна аптека пред патување а пред се: средства за смирување на стомачни тегоби и мачнина од патување (пробиотици), средства против пролив/запек, повраќање (пробиотици + ОРС), лекови за намалување на зголемена телесна температура (антипиретици), физиолошки раствор и капки – корисни за ублажување на симптомите на настинка и течење на носот, како и креми за заштита од сонце, средство против инсекти (комарци) и кутија за прва помош при повреди.
Во контекст на подготовката за одмор корисно е превентивно 2 недели претходно да се суплементира исхраната на детето (а и на возрасните) со пробиотици (најдобро во комбинација со витамин Д) а и една недела после враќање од одморот.
Од 08.07 во попладневните часеви повратив неколку пати,но ноќта почна проливот кој пред два дена се намири но пота пак тоа во раните утрински часеви од 04 до 08х на секои 5-10мин по 08х имaм само болки во стомакот и под ,,лажичката”. Цел овој период сум на двопек,чај и сок од јаболко(бистар). Од вчера пијам ентерофурил 200мг, алвоген орс и prolife.
Почитувана,
Веројатно имате некое труeње со храна кое предизвикува и повраќање и нарушување на дигестијата т.е дијареа. Ќе биде потребно повеќе денови да ја применувате диетата и да примате пробиотик барем 10-на дена додека се нормализира цревната флора и метаболизмот. Електролитот се користи на почетокот кога се губи најголемо количество течности со проливот и повраќањето за се спречи дехидратација, значи ден, два потоа нема потреба. Исто така не би препорачал употреба на антибиотикот, туку само на пробиотик и тоа подолго време. Пробајте со комбинацијата на пробиотик, цинк, камилица и нане која постои во облик на капсули (Пробаланс).