Tema_26_urinarni_infekcii
Споделете со пријателите!

Бактериските инфекции се најчестите болести на уринарниот тракт. Инфекција може да го зафати горниот дел од уринарен тракт (проксимални уринарни инфекции пиелонефрит) или долниот дел од уринарниот тракт (дистални уринарни инфекции цистит или уретрит). Инфекциите на уринарниот тракт се почести кај жените отколку кај мажите бидејќи кај жените уретрата е пократка, рамна и широка и поради тоа бактериите полесно може де преминат во мочниот меур.Во поголемиот дел од случаите (80-90%), се јавува инфекција со бактеријата Escherichia coli.

На вашите прашањата еднаш неделно ќе одговара Д-р спец. Влатко Ристов

Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.


Споделете со пријателите!

ваше прашање (6)

  • Postojano pri napon na kaslica ili kivavica nekontrolirano mokram ili nagon pri smeenje? Kako da go popravam ova.

    • Д-р Влатко Ристов

      Почитувани Лилјана,

      кај вас најверојатно се работи за случај на стресна уринарна инконтинеција. Тоа е неконтролирано испуштање, т.е недодржување на урината при изненадно зголемен интраабдоминален притисок. Причините можат да бидат различни (заради оштетување на сфинктерниот механизам, заради нарушен тонус на мускулот на мочниот меур (детрузор), како и разни патолошки процеси на на мочниот меур (воспаленија, калкулоза, итн). Постојат лекарства кои делуваат на мускулатурата на мочниот меур и го регулираат неговото празнење. Консултирајте се поскоро матичниот лекар или нека ве упати на лекар специјалист-уролог.

      Секое добро.

  • Денеска почнав да мокрам многу често без никаква причина. Цело време ме тера да пијам вода. Се хранев за ручек со манџа и супа и испив 2 кафиња во текот на денот. Вода можеби 6 чаши и 0.5 шишенце. Кога мочам не ме пече, мокрам без проблем.
    Се напив увин чај.

    • Д-р Влатко Ристов

      Почитувани, Ако немате симптоми на уринарна инфекција (печење и болка при мокрење,зголемена темепратура) нема потреба од користење на увин чај. Тој уште повеќе ја зголемува фрекфенцијата за мокрење. Честата потреба за внесување течности може да е знак за покачено ниво на глукоза (шеќер) во крвта, па препорачливо е да направите крвна слика и посебно да се испитаат вредностите на т.н гликозилиран хемоглобин (HbA1c) кој е форма на хемоглобин кој се врзува со гликозата. HbA1c служи како маркер за одредување на просечното ниво на гликозата во крвта во текот на претходните 3 месеци (животен век на црвените крвни клетки).

  • За време на половиот однос со партнерот, ми се случи крварење. Немам циклус, немам спирала, не користам контрацептивни апчиња. Во тој момент бев во овулација. Дали е нешто сериозно?

    • Д-р Влатко Ристов

      Почитувана,

      Најверојатно не е ништо сериозно (можно е да дошло до пукање на крвни капилари) заради интензивен сексуален однос или сувост на вагината. Исто така, некои бактериски или габични инфекции можат да предизвикаат крварење. Ако се повтори, задолжително посетете гинеколог.

Ваше прашање (6)

Вашата Емаил адреса нема да биде објавена.