Метаболен синдром – претставува метаболно заболување што претставува збир од неколку симптоми со повеќе ризик-фактори. Зголемувањето на преваленцијата на метаболен синдром оди паралелно со епидемијата на дебелината. Метаболниот синдром води до инсулинската резистенција што уште се нарекува преддијабетес.
Покачените вредности на триглицериди, крвен притисок и гликоза, како и прекумерна акумулација на масно ткиво во абдоминалната област, заедно со низок HDL холестерол формираат група на состојби кои колективно се познати како метаболен синдром.