Вежбањето е само еден начин за ослободување од стресот и негативната енергија којашто се акумулира во текот на целиот ден.
На почетокот од Новата година многу мажи го преиспитуваат својот стил на живот и прават планови да го вратат здравјето на вистинскиот пат. Дали сте еден од нив?
Најмалку 40 отсто од мажите секоја година си поставуваат една или повеќе цели, а најмалку две третини од нив ветуваат дека ќе променат нешто кај себе што им го нарушува здравјето. Вообичаените цели што мажите си ги поставуваат се однесуваат пред сè на зголемување на телесната тежина, практикување на физички активности и, за оние коишто пушат, намалување на цигарите.
На што да се фокусирате и какви цели да поставите за да го подобрите своето здравје во Новата година? Следните неколку совети може да ви помогнат за да постигнете максимален успех во остварување на целите за подобро здравје во 2018 година.
Вежбајте според балансирана програма од разновидни вежби
Кога мажите сакаат да останат во форма, тие имаат тенденција да се стремат кон губење на тежината во областа кај стомакот и кон зголемување на мускулната маса. За да ги постигнат овие цели, тие вообичаено прават помалку кардиоваскуларни или аеробни вежби, а повеќе вежби за сила или анаеробни вежби – стратегија за која експертите сметаат дека не е идеална. Кардиоваскуларните вежби ги вклучуваат сите групи на мускули, додека вежбите за сила се кратки вежби со висок интензитет коишто во фокус имаат одделни групи на мускули.
За да добиете оптимални резултати и да постигнете добра физичка форма треба да се стремите кон балансирана програма со вежби во кои ќе бидат вклучени сите главни мускулни групи.
Внимавајте на исхраната
Мажите имаат тенденција да ги практикуваат различните начини на исхрана кои промовираат внес на големи количини на протеини, а помалку јаглехидрати. Но експертите прават истражувањата што покажуваат дека токму диетите со низок број на јаглехидрати им помагаат на луѓето краткорочно да го намалат вишокот килограми. Исхраната што содржи големо количество на протеини, а мало количество на јаглехидрати може да го ограничи внесувањето на одредени зрна, ориз, компири, тестенини, овошје и зеленчук богат со скроб.
Сепак, сè уште се чека на добивање податоци во врска со диетите со низок број на јаглехидрати на долгорочен план. Критичарите се плашат дека истите ќе имаат негативни ефекти врз срцето бидејќи голем дел од храната што ја сочинува диетата со ниска содржина на јаглехидрати, како што се зрна, овошје и зеленчук, исто така, се покажале ефективни во намалување на ризикот од заболување од рак и срцеви болести.
Правете редовни лекарски прегледи
Истражувањата докажуваат дека поголемиот дел од машката популација избегнува да посетува доктор и да прави било какви прегледи или тестови. Дали станува збор за повреди при вежбање, болки во грбот, крв во урината или било каква болка која трае повеќе од неколку недели, мажите ги прескокнуваат посетите на амбулантите и болниците. Докажано е дека мажите 130 милиони пати помалку посетуваат лекар отколку жените.
Оваа година редовната посета на вашиот доктор нека биде една од поставените цели за подобрување на вашето здравје. Редовните лекарски прегледи помагаат во откривањето на потенцијални здравствени проблеми што подоцна би помогнало во подобро и полесно лечење на истите. Редовните прегледи, меѓудругото, треба да вклучат проверка на холестерол и крвен притисок, тестови за колоректален карцином, дијабетес, депресија, сексуално преносливи болести и скрининг за рак на простата.
Намалете го стресот
Истражувањата покажуваат дека стресот може да има негативни ефекти врз кардиоваскуларните, нервните, имуните и дигестивните системи. Честите негативни чувства можат да предизвикаат чувство на гнев и безнадежност, да стимулираат деструктивно однесување или да се манифестираат во физички болести. Докажано е дека самоубиствата кај машкиот пол во целиот свет се сериозен проблем за којшто постојано се потенцира важноста за навремено барање стручна помош.
Вежбањето е само еден начин за ослободување од стресот и негативната енергија којашто се акумулира во текот на целиот ден. Понекогаш, исто така, разговорот со најблиските може да помогне во справувањето со ситуациите коишто вообичаено предизвикуваат да чувствувате стрес. Доколку овие методи некогаш не ви помогнат да се чувствувате подобро обидете се да разговарате со вашиот лекар или психолог.
