Состојба со грип во Република Македонија, сезона 2016/2017 (до 19.03.017)
Во текот на 11-тата недела од 2017 година, во Република Македонија пријавени се 100 новозаболени лица од грип/заболувања слични на грип со инциденца од 4,8 на 100.000, што претставува намалување од 30.6% во споредба со минатата недела кога беше пријавен 144 случаи.
Вкупниот број на пријавени случаи оваа недела одговара на многу ниско ниво на интензитет според моделот за одредување на интензитет на активноста на грип.
Оваа недела, најголем број заболени (n=26) е регистриран на територијата на ЦЈЗ Охрид и ЦЈЗ Куманово (n=23). Во останатите ЦЈЗ/ПЕ се регистрираат поединечни случаи.
Највисока инциденца од 48,8/100.000 е пријавена од подрачјето на ПЕ Свети Николе, што одговaра на ниска активност на инфлуенца вирусот. Ниска активност на инфлуенца вирусот се регистрира и во ЦЈЗ Охрид (I=46,3/100.000) и ПЕ Дебар (I=36,0/100.000), додека според инциденцата на 100.000 жители, многу ниска (вон-сезонско) активност се регистрира на територија на 8 ЦЈЗ/ПЕ.
Во 20 ЦЈЗ/ПЕ не е регистриран случај на заболување од грип/заболување слично на грип.
Како и во претходната, така и во 11-та недела од 2017 најголем број заболени (n=62) односно 62,0% од сите случаи се пријавени во најголемата возрасната група од 15-64 години. Во пријавените случаи од 11-та недела, децата од 0-4 години и лицата над 65 години учествуваат со 13,0% (n=13), а најмал процент на заболени се регистрира кај децата на возраст од 5-14 години (12,0%; n=12)…
Преземено од: Институт за јавно здравје на Република Македонија
