Споделете со пријателите!
Домашен ванила сладолед, со суви сливи потопени во црно вино
Вистинско време за уживање во домашен кремаст ванила сладолед, со суви сливи потопени во црно вино и ишаран со желе од вино.
- 200 г суви сливи, крупно исецкани;
- ½ шолја црно вино;
- 2 кесички шлаг;
- 4 јајца;
- 6 лажици шеќер;
- 1 кесичка ванилин шеќер;
- 250 – 300 мл ладно млеко;
- неколку лажици желе од вино.
Потопете ги сливите во виното и оставете ги да го упијат 1 – 2 часа. Изматете го шлагот со млекото во една вангла. Во друга изматете ги цврсто белките, додајте ги шеќерот, ванилата и жолчките, а потоа и шлагот. Додајте ги сувите сливи заедно со виното кое не го упиле (ако го има), промешајте па префрлете го сладоледот во сад со капак, наизменично со желето од вино (слој сладолед, лажица – две желе, повторно сладолед, повторно желе…). Ставете го сладоледот во замрзнувач на неколку часа или до следниот ден пред да го послужите.
* рецептите со во целост преземени од ситно сецкано
Споделете со пријателите!
