Споделете со пријателите!
Погача за секој период од годината
Погача со пченкарно брашно со спанаќ е толку лесена за подготовка но и многу вкусна. Доколку нема спанаќ, може да користите коприва, може да се стави здробено сирење, пропржен праз… или ништо.
- 2 шољи пченкарно брашно;
- 1 шоља пченично брашно;
- 3 јајца;
- 1 шоља млеко, јогурт или кефир;
- ½ шоља масло;
- ½ шоља кисела вода;
- 1 прашок за пециво;
- 1 лажиче сол;
- околу 350 – 500 g спанаќ (или коприва, блитва…);
- интегрален сусам за посипување.
Исчистете го, измијте го и убаво исцедете го спанаќот. Во голема вангла ставете ги сите други состојки и изматете ги со миксер. Додајте го спанаќот исечен на крупни ленти и промешајте со лажица. истурете ја смесата во тавче со пречник од околу 28 cm, подмачкано со путер или масло. Израмнете ја површината и посипете со сусам или ленено семе.
Печете ја пројата во загреана рерна на 220°C околу 30 – 35 минути, или додека не е целосно испечена, проверете со чепкалка.
* рецептите со во целост преземени од ситно сецкано
Споделете со пријателите!
