Споделете со пријателите!
Првите месеци од животот на новороденчето се исполнети со бројни предзвици како за самото бебе така и за неговите родители. Затоа е многу важно уште на самиот почеток да се воспостави систем на правилна исхрана која од суштинско значење за растот и развојот на бебето како и воспоставување и одржување на здрав и силен имунолошки систем..
На вашите прашањата еднаш неделно ќе одговара д-р спец. педијатар Лидија Нешковска
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Почитувана докторке, не знам каде би се обратила, и дали вие би можеле да ме упатите конкретно каде да барам помош, имам девојче од 3 ипол години, во летниот период беше застапено често течење крв од носот, но еве некоја вечер во текот на спиење и се случува да стане и обично да и тече крв без да го чепка носето, загрижени сме и би ви биле благодарни да ни дадете мислење каде и на каков доктор да се обратиме, Поздрав
Почитувана, во однос на проблемот кој го опишавте би ве советувала најнапред да направите основна крвна слика и потоа да посетите специјалист по уво нос и грло. Во меѓувреме внесувајте храна богата со витамин Ц и внесувајте голема количина течности со што ќе се одржува влажна слузницата на носот.
Почитувана докторке сакам да прашам за ќерка ми има 7ипол години висока е 127 а тешка 32кг. Од слабо и ниско дете претходната година за време на корона карантините нагло се извиши и поправи, а последните 2-3 месеци и се појавија црни влакна под пазувите и на интимните делови. Дали треба да испитаме хормони за раст , има ли простор за загриженост ? Ви благодарам