Споделете со пријателите!
Уринарна инконтиненција е чест проблем кај возрасната популација кој го нарушува квалитетот на животот на возрасната популација. Се јавува при кашлање, кивање, трчање, дигање на тешки предмети, брза промена на положбата на телото (на пример: при брзо станување) или при други физички активности.
Ургентна инконтиненција – Нагон за неодолива потреба за мокрење која е тешко да се одложи.
На вашите прашањата еднаш неделно ќе одговара д-р Димитар Стровјановски, д-р Игор Чипуровски, д-р Влатко Ристов и д-р Даниел Петровски
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Поштовани малку ми е незгодно али веќе 5-6 месеци имам голем проблем. Повремено не успевам да стигнам до тоалет и се подмочувам. Последниве месец дена ми се случува и ноќе. Инаку сум жена на 57 години и мајка на 3 деца. Дали може да ми дадете некој совет?
Госпоѓо Станка, кај Вас најверојатно се работи за „преосетлив мочен меур“ (overactive bllader) состојба која се лекува со медикаменти (солифенацин и сл.) и со промени на животниот стил и хигиенодиететски режим на исхрана и внос на течности! Медикаметозната терапија треба да трае најмалку три месеци, а промените на животниот стил и диетескиот режим да бидат трајни! Избегнувајте надразнителни продукти на слузницата на мочниот меур-киселина (оцет), конзревирана храна, газирани пијалоци и прекумерен внос на кафе и јак чај. Во секој случај направете и испитувања на урина, уринокултура и ултрасонографија на уринарниот тракт.
D-ri jas imam 62godini. Mi najdoa BPH i pred 6 meseci me operiraa. POsle operacijata pocnav da imam problemi so dodrzuvanje na mocka. Mi preporacaa da nosam peleni za vozrasni no jas ne sum tolku star. Ima li nekoe podobro resenie za makata so podmocuvanje?
По операција на простата, кај некои пациенти може да се јави недодржување на мочката, состојба која може да биде привремена или трајна. Привремена e и трае околу три до шест месеци… Секако дека постојат решенија а тоа за Вас не се пелени… Постои медикаментозна терапија која ќе го „смири“ јакиот и лесно раздразлив мускул на мочниот меур од пред операцијата или е можеби потребен оперативен третман за зајакнување на мускулот стегач (сфинктер) на мочниот канал или поставување на вештачки сфинктер… Секако дека тоа треба да го испита и види Вашиот оператор.
Почитувани имам голема мака. Во последно време ми се случува на секое закашлување да пуштам по неколку капки урина. Инаку сум страстен пушач и често се закашлувам. Ваш совет што да преземам или каде да се обратам?
Однапред благодарна.
Госпоѓо Жана, Треба да почнете веднаш со т.н Кегелови вежби со кои се потпомагаат мускулите на дното на малата карлица а со тоа и стегачот-сфинктерот на мочниот канал,но исто така треба да престанете со пушење и да ја третирате „кашлицата“ која е можеби хроничен бронхит, кој пак делува на зголемен стомачен притисок при актот на кашлање и до појава на невољно испуштање на урина… Може да се јавите кај моите колеги уролози во зависност од местото на живеење…
Кога нема одма да отидам по мала нужда после со слаб млаз и многу споро мокрам!! Имам 40 години
На Ваша возраст веќе е потребно да се направат испитувања на простата-ехо на простата со рест урина, ПСА и дигиторектален преглед, но секако во самото прашање се крие и одговорот-не треба долго време да го одложувате мокрењето, т.е на преполн мочен меур потешко дејствува и нормалниот мускул на меурот-детрузорот, а со самото одлагање на мокрењето го активирате и стегачот-сфинктерот на мочниот канал…
Mojata kerka ima 14 godini i se podmocuva.Vo posledno vreme pocna i navecer da se ponocuva vo krevet(samo 2 pati ovoj mesec).Seuste nema ciklus .Ve molam za sovet.
Почитуван,
Обично целосната контрола врз мокрењето се развива на возраст од 5-6 години. Овде претпоставувам дека тоа и се случило и дека сегашната енуреза (ноќно мокрење) се јавува после повеќегодишен т.н сув период. Причини може да бидат неколку: генетски фактори, мал капацитет на мочниот меур, цврсто спиење или зголемено создавање на урина во текот на ноќта. Во секој случај енурезата треба да се лекува, постои терапија, а со оглед на тоа и дека нема сеуште циклус ви препорачувам посета на гинеколог кој може да ве советува за целокупниот проблем кој го има вашата ќерка.