Споделете со пријателите!
Бременостa е предизвикувачки процес за женскиот организам при кој телото на жената минува низ специфичен период. Затоа во овој период е особено важно жените правилно и балансирано да се хранат, со цел телото на жената да биде во состојба да одговори на периодот на раст и развој на нов организам – дете. Нутриционистите се согласуваат со оценката дека во бременоста треба повеќе да се внимава на квалитетот на внесувањето храна, отколку на количината. Едноставно речено бремените жени не треба да јадат за двајца, туку мора да внесуваат соодветни витамини и минерали кои ќе им служат на потребите на двата организма.
На вашите прашањата еднаш неделно ќе одговара д-р Александра Еклер
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Здраво Д-р Александра,
Сакам да ве прашам, кој е најдобар начин за третман на габични инфекции за време на бременост. Дали е неопходно да се обратам кај лекар или само да набавам некоја терапија од аптеките, и колку долго би траела таа терапија?
Благодарам за одвоеното време за одговор
Здраво Гордана, Како прво да направите задолжително ПАП тест и 5 бриса (вагина, cervix, lysteria, chlamidia i mycoplasma – ureaplasma ).
Дали се работи за Candida или Candida plus некоја друга бактерија треба да се има доказ од ПАП тест и брисеви.
Ако е само Candida на резултатите може да земате 7 дена по ред вагиналети со антимикотици по 1 на вечер, плус антимикотицна крема по 1 на ден надворешно да се мачка и жената и мажот. Двајцата да земаат терапија или ќе нема ефект ако зема само жената. Candida во бременост е хормонално предизвикана. Пожелно е да се намали со благо и слатки работи.
Многу можат да ви користат вагиналети со пробиотици кои ја одрзуваат нормалната вагинална микрофлора и го оневозможуваат растот и развојот на патогените микроорганизми. И тие се аплицираат по 1 табл. вагинално во тек на 14 дена. Кој од овие наброени ќе биде препишан сепак зависи од резултатите од ПАП тестот и брисевите па поради тоа ви советувам да отидете кај својот матичен гинеколог и да ги направите ПАП тестот и брисевите а потоа докторот да ви даде терапија, а не вие да земате на своја рака.