Споделете со пријателите!
Дијареа во раното детство е второ најчесто пореметување веднаш по респираторните инфекции. Најчесто се јавува кај деца на возраст од 1 до 3 години. Проливот брзо може да доведе до дехидратација, особено кај децата кои повраќаат. Затоа е клучно да се изврши рехидратација на организмот.
На вашите прашањата еднаш неделно ќе одговара Прим. д-р Жаклина Шопова
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Pozdrav doktorka, eve veke 3 dena imam proliv i nagoni za povrakjanje. Jadam samo dvopek i banani a pijam samo prevriena voda no ne pominuva. Vekje izgubiv 3kg. Sto bi mi sovetuvale?
Почитуван Столе, Вие сте започнале несоодветна исхрана и несоодветен третман при инфекции на цревата, што резултира со неподобрување на состојбата, а и со губиток во телесна тежина. Треба да земате не само превриена вода туку и препарат – прашoк кој во својот состав содржи електролити како и пробиотик од типот на Saccharomyces boulardii кој му потпомага на организмот да се отстранат таканаречените лоши (патогени) бактерии или вируси, со што и потпомага на цревната флора брзо да се обнови, а и да се регулира имунолошкиот одговор на организмот. Што се однесува до исхраната, потребно е да земате и бистри супи, варен зеленчук (морков, компир), варен ориз, кравјо кисело млеко кое на почетокот ќе го разредувате со вода, обезмастени кравјо сирење и кашкавал.
Pocituvani, vo nedelata vecer jadev tost so pecurki i uste slednoto sabajle pocnav da povrakjam. Povrakjanjeto denes se smiri no seuste imam bolki vo stomakot i proliv. Dali moze da e truenje nekoe i sto preporacuvate? Odnapred blagodaram!
Почитуван Милан, тегобите кои ги имате укажуваат на постоење на цревна инфекција, за која доколку би сакале да ја дознаете причината треба да се направат микробиолошки и вирусолошки иследувања на изметот. Но без разлика дали се работи за бактериска или вирусна инфекција третманот е идентичен, а тоа значи: правилно рехидрирање преку уста (внес на течности кои содржат електролити), пробиотик кој во својот состав има витамин Б6, цинк, но и екстркт од нане и камилица кои благотворно делуваат на системот за варење, како и адекватен диераен режим: бистри супи, варен ориз, печен или варен компир, сок од јаболко и морков, печена јаболка, банана, двопек, гризини.
Здраво,веќе два дена сум со дијареа (по 3-4 течни столици), најверојатно од храна бидејки после неколку часа од ручекот во средата осетив силни стомачни болки.Имам и температура и се чувствувам омалаксано.Пијам едни жолти антибиотски капсули кои порано ми помагаа , но сега ништо.Што да правам?
Со оглед дека споменувате силни болки во стомакот, најдобро би било да ве прегледа вашиот матичен лекар за да процени дали се потребни дополнителни иследувања. Што се однесува до терапијата која сте започнале да ја земате, треба да ја прекинете, со оглед дека и самиот велите дека немате подобрување. Потребно е да земате пробиотик кој ке ја регулира цревната микрофлора, која не само од инфектот туку и од земениот антибиотик е нарушена. Најдобро е да земете пробиотик кој во својот состав е надополнет со витамини посебно од групата Б, минерали (цинк), а се разбира и екстракти од билките нане и камилица кои имаат смирувачки ефект на дигестивниот тракт, со адекватен внес на течности и соодветен диетарен режим (бистри супи, варен ориз, морков, печен или варен компир, сок од јаболко и морков, печена јаболка,банана, двопек, гризини, кисело млеко кравјо разредено со вода,тврдо варено јајце…).
Почитувана, вчера јадев мајонез со намаз од маслинки. Многу брзо после тоа, имав многу силни стомачни тегоби кои траеа цела вечер. Инаку, често консумирам мајонез, но никогаш не претерувам. Немам чувствителен стомак, па ова ми беше изненадување. Денес јадев банана и овес и страв ми е за ручек да јадам нешто повеќе. Дали е потребно да набавам пробиотици?
Почитувана, од вашето прашање не можам да заклучам дали освен стомачните болки имате и други стомачни тегоби на пример дијареа и/или повраќање. Генерално во летниот период заради високите температури треба да бидете внимателни и соодветно да ги чувате (во фрижидер) намирниците од животинско потекло (месо, јајца, млечни производи и др.) и нивни преработки како мајонез и разни намази, поради опасност од нивно расипување и следствено стомачни труења. Користењето на пробиотици, особено во комбинација со цинк, нане и камилица може па Ви помогне за стабилизирање на гастроинтестиналниот тракт, метаболизмот и да ги намали тегобите. Сепак ако тегобите продолжат сугерирам да се упатите на лекар за точно да се утврди причината за болките.
ПОЧИТУВАНА Д-Р,ИМАМ СИН 7ГОД НЕКНИ СЕ ПОЖАЛИ НА СТОМАЧЕТО ОКОЛУ ПАПУЧЕТО И ПОЧНА ДА ПОВРАЧА САМО ТЕЧНОСТ И НЕШТО МИНИМАЛНО ХРАНА ,ЗНАЧИ НЕ БЕШЕ МН НАЈАДЕН.СЕГА СЕ СМИРИ СО ПОВРАЧАЊЕТО АМА КОГА ПУШТА ГАСОВИ И КОГА ЖДРИГА МИРИСА НА ЈАЈЦЕ РАСИПАНО.ВЕ МОЛАМ ДА МИ ОДГОВОРИТЕ ПОЗ И ОДНАПРЕД ВИ БЛАГОДАРАМ.
Почитувана, симптомите на неправилна работа на системот за варење кои ги опишувате асоцираат на стомачно растројство предизвикано најверојатно од несоодветно чувана храна (труење). Во ваква ситуација најпрвин е најдобро да се испразни желудникот (да се иницира повраќање). Понатаму корисно е да се употреби производ на база на активен јаглен кој би ги апсорбирал штетните продукти и би ги смирил гасовите. На крајот заради стабилизација на стомакот сугерирам употреба на комбиниран пробиотик со камилица и нане во период од 10 дена кој ќе ги смири стомачните тегоби, ќе ја врати дигестивната рамнотежа и ќе ја врати во целост функцијата за варење.
Поздрав,