Хороскоп за 11-та недела: Кое е омиленото чоколадо на секој хороскопски знак.
Овен
Овните имаат една љубов на којашто ѝ се доживотно верни – тоа е чоколадото. Понудете ги со било какво чоколадо и веднаш ќе добиете верни пријатели. Со тешко срце ќе ве понудат да го поделите.
Бик
Не дека ќе одбијат било какво чоколадо, но бидејќи се чувствителни, сакаат кога некој се труди околу нив. Сакаат луксузни пакувања и необични богати вкусови на вистинско чоколадо. Нема да ве понудат да пробате.
Близнаци
Најмногу сакаат бонбониери со засебно завиткани чоколада за да можат да ги споделат со некого со кој сакаат да остварат комуникација. Сакаат да споделат со што повеќе луѓе и јадењето за нив е социјална активност.
Рак
Префинети и нежни, Раковите преферираат белгиски чоколада, бидејќи сакаат да уживаат во вкусот кој идеално се топи во нивната уста.
Лав
Бидејќи секогаш сакаат да се во центарот на вниманието и да остават впечаток, нивниот став не се менува ни при изборот на чоколадо. Сакаат темно чоколадо со интензивен вкус на какао убаво и внимателно завиткан.
Девица
Перфекционистите Девици сакаат едноставен но богат вкус на вистинско чоколадо, без многу додатоци. Најмногу ценат домашно направено чоколадо.
Вага
Вагата наоѓа среќа во малите работи коишто другите не ги забележуваат. Најмногу ќе уживаат во добро дизајнирано пакување коешто ќе содржи интензивен но мек вкус на чоколадо.
Шкорпија
Импулсивни и страствени, сакаат чоколадо како нивниот карактер. Чоколадото со слатко-горчлив вкус е нивниот избор. Чоколадо со кафе или темно чоколадо со голем процент на какао.
Стрелец
Идеалисти но зрели, авантуристи но скромни, љубопитните Стрелци секогаш се подготвени да пробаат некој нов вкус. Чоколадно фонду со различен вид на овошје е нивниот избор.
Јарец
Вредните Јарци знаат да уживаат и да им угодуваат на сетилата. Иако се практични по природа, кога станува збор за чоколадо, подготвени се да потрошат повеќе пари за да вкусат квалитетно чоколадо. За нив, само швајцарско или белгиско чоколадо.
Водолија
Водолиите се инспирираат со оригиналност, па најмногу ќе се израдуваат на рачно спакувани чоколада, коишто сами сте ги направиле во вашата кујна.
Риби
Чоколадото е подарокот со кој сигурно нема да погрешите кај Рибите. Имагинативните Риби го обожаваат чоколадото во секоја форма, а доколку треба да изберат, ќе изберат чоколаден мус.
