Споделете со пријателите!
Октомври: месец на борба против рак на дојка
Октомври е месецот на подигнување на свеста за ракот на дојка, кој се одбележува секоја години низ целиот свет. Меѓународниот месец за подигањето на свеста околу ракот на дојка е можност за информирање околу важноста на рано детектирање на рак на дојка. Тоа подразбира зголемена свесност за здравјето, редовни превентини прегледи и самоконтроли и запознавање со специфичностите на оваа тешка болест. Овој месец е посветен на информирање околу болеста, рано откривање, дијагноза, фазите на болеста, типовите на рак на дојка, начините на лекување, како и заблудите околу лечењето и третирањето на болеста.
Ракот на дојка е најчестиот тип дијагностициран рак кај жените во светот, а по смртност овој вид карцином е на прво место во светот и во Македонија.
Со цел да се покрене свесноста за ракот на дојка, утре, 1-ви октомври во 11 часот, на Плоштад Македонија, по деветти пат се одржува настанот „Розовата прошетка“, организиран од здружението „Борка“.
„За оние кои ја водат оваа неизвесна битка… За оние чиј живот е пред огромен предизвик… И во чест на оние кои ги загубивме. Приклучи се и ти на симболичниот марш против ракот на дојка“ повикуваат од „Борка“.
Споделете со пријателите!
