Споделете со пријателите!
Лесен рецепт со сливи кој брзо се прави а уште побрзо се јаде
Колач со сливи е овошно колаче, кое што се прави многу брзо и лесно, а најмногу време одзема миењето и чистењето на семките од сливите.
- 115 г путер, омекнат
- ¾ шолја шеќер
- 2 јајца
- 1 шолја брашно
- 1 лажиче прашок за пециво
- 10 – 15 сливи
- 1 лажиче цимет
- 1 лажица шеќер
(шолја од 280 ml)
Изматете го убаво путерот со шеќерот, додајте ги јајцата и повторно убаво изматете, па ставете го брашното и прашокот за пециво и кратко сé измешајте. Префрлете го тестото во подмачкано тавче со пречник од 22 см, врз него густо наредете половинки сливи, со лушпата нагоре. Посипете ги со цимет, па со шеќер, и ставете го колачето да се пече на 175°C, 35-45 минути (проверете во средината со чепкалка). Убаво е и одма, кога малку ќе се олади, а и следните денови.
* рецептите со во целост преземени од ситно сецкано
Споделете со пријателите!
