Интернет Аспергеров синдром е застапен кај оние личности на интернет познати како „тролови“
Интернет Аспергеров синдром е кованица на блогерот и интернет претприемачот Џејсон Калаканис Jason Calacanis и го опишува недостатокот од социјални начела и емпатија кај оние луѓе коишто се постојано пред монитор. Многупати се случува нормални деца, со примерно поведение на училиште и дома, на интернет да пишуваат застрашувачки нешта.
Името е кованица коешто доаѓа од Аспергеровиот синдром. Тој е еден од неколкуте пореметувања во аутистички спектар кој се карактеризира со потешкотии во друштвената интеракција и ограничени, стереотипни интереси и активности. Синдромот го добил името по австрискиот педијатар, Ханс Аспергер, кој во 1944 година ги опишал децата кои очигледно имаат нормална интелигенција, но им недостасува вештина за невербална комуникација, физички се неспретни и не покажуваат емпатија. Многу луѓе живеат со овој синдром без да им биде откриен.
Калаканис открил дека лицата коишто комуницираат исклучиво онлајн, го имитираат однесувањето карактеристично за Аспергеров синдром, бидејќи во двата случаи има неможност да се открие невербалната комуникација а со тоа се појавува и недостатокот од емпатија.
Досега објавените синдроми
