Споделете со пријателите!
Обликувајте мали бомбици коишто ќе ве исполнат со енергија
Овие топчиња се идеална ужина за качување на планина, после трчање или пак после работа. Најдобро е да се прават со големина на залче, токму онолку колку да ви дадат енергија. Може да ги смените состојкит во зависност од тоа што имате дома. Може да употребите путер од кикирики наместо таан, лешници, какао во прав, суви брусници, суви сливи, ореви, сончоглед, овесни снегулки… важно смесата да може да се обликува.
- ½ шолја семки од тиква;
- ½ шолја бадеми;
- 1 лажица искршени зрнца какао;
- 1 лажица ленено семе;
- 1 лажица сусам;
- 1 шолја меки урми (aко урмите кои ги имате не се меки, ставете ги да отстојат во топла вода, сок од портокал или чај);
- 5 – 6 суви кајсии;
- 1 лажица семчиња од чиа;
- парче свеж ѓумбир;
- 1 лажица мед;
- 1 лажица таан.
Прво сомелете ги бадемите, семките од тиква и зрнцата какао во сецко. Потоа додајте ги урмите и кајсиите, повторно сомелете, па додајте ги останатите состојки и убаво измешајте сé. Ѓумбирот изрендајте го и додајте го заедно со сокот што ќе го испушти. Обликувајте мали топчиња од смесата или притиснете ја во некој сад и исечете ја на мали коцки. Чувајте ги во фрижидер, можат да стојат цела недела.
* рецептите со во целост преземени од ситно сецкано
Споделете со пријателите!
