Двобојна супа

Поиграјте си со боите во вашата чинија …

Kрем супите се вкусни од кој зеленчук и да ги направите: брокули, карфиол, зелка, спанаќ, домати, тиквици, модри патлиџани, моркови, пашканат, праз, компири, целер, кромид… сите комбинации се можни. За да направите нешто уште поинтересно, направете две крем супи, од различни состојки и послужете ги одеднаш, со разни додатоци. Еве еден рецепт за една од тиквици и една од моркови.

Исецкајте ги крупно кромидот и пиперката и ставете ги да се пржат на средно во малку масло. Кога малку ќе омекнат, ставете ги и морковите, исечени на подебели кругчиња (или поголеми парчиња, и онака сето тоа на крај ќе се блендира) и лукчето. Додајте вода, зачините и варете ги морковите на тивко, покриени со капак, околу 20 минути или додека не омекнат. потоа изблендирајте ја супата и додајте сол ако треба.

Исто како за супата од моркови, прво малку испржете го кромидот, потоа додајте го лукчето и тиквицата, исечена на половинки или четвртинки кругче со дебелина од 10-15 mm. ставете сол и бибер по вкус, намалете ја јачината на ринглата, поклопете го тавчето и гответе ги тиквичките додека не омекнат малку, ама не да се скроз да се распаѓаат, неколку минути. Префрлете ги во блендер, заедно со водата и јогуртот и изблендирајте ги, па додајте сол и бибер ако треба.

Супата е уште повкусна со разни додатоци:

• дука;
• варена пченка;
• сирење;
• јогурт / кефир / павлака;
• крекери;
• семки од тиква и сончоглед;
• свеж магдонос, босилек, нане;
• песто.

* рецептите со во целост преземени од ситно сецкано