Споделете со пријателите!
Нередовниот живот, стресот, физичката неактивност, прекумерниот внес на калории и алкохол можат да доведат до покачување на нивото на холестерол и триглицериди во крвта. Многу е важно да се одржуваат нормални нивоа на холестерол и триглицериди во крвта бидејќи се ризик фактори за атеросклероза која го зголемува ризикот од срцев удар, мозочен удар и кардиоваскуларни заболувања.
На вашите прашањата еднаш неделно ќе одговара д-р Александар Манолев
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Pred tri godini dobiv dijabet.Mi prepisaa glukofaz od 1000 mg vo 13 casot i insulin od 25 edinici vo 21 casot.Se trudam da bidam fizicki aktivna i da jadam tonus leb.Dali moze da go reguliram sekerot bez upotreba na lekarstva i kako .
Почитувана Валентина,
Пациентите кои имаат дијабетес и се на инсулинска терапија многу малку веројатно (да не речеме дека е невозможно) дека ќе можат да го регулираат дијабетесот без терапија, поготово инсулинска.
Физичката активност Ви е исклучително битна за одржување на добра гликемиска хомеостаза во насока на добро искористување на инсулинот и одржување на телесната тежина. Доколку имате покачена телесна тежина пожелно е да ја намалите со што ќе се намали и потребата од инсулински единици. Внесувајте доминантно зеленчук и протеинска храна за сметка на многу овошје, леб и бели пецива. Користете протеин од растително потекло.
Со почит,
д-р Александар Манолев