Споделете со пријателите!
Абразија -
Рана која настанува по контакт на кожата со груба или тврда површина, не е длабока и може да биде со или без крварење.
Авулзија -
Рана која настанува со делумно или целосно кинење на кожата со оштетување на околните ткива. Овој тип на рана најчесто настанува како резултат на несреќи, експлозии, огнено оружје итн. Раната е придружена со обилно и брзо крварење. Овој тип на рана по правило се третира во болница - хируршки.
Адреналин -
Хормон на надбубрежната жлезда. Во стресни ситуации се излачува во поголеми количини со цел да ја зголеми отпорноста и заштитната способност на организмот.
АДХД -
Синдромот на недостаток на внимание и хиперактивност. Претставува нарушување во однесувањето карактеристично кај деца и адолесценти, но и кај возрасни личности. Машките се три до пет пати повеќе засегнати отколку девојчињата.
- Synonyms: ADHD, хиперактивност
Акни -
Инфламаторно заболување на пило-себацеалната единица кое се манифестира преку појава на црвени, болни и честопати гнојни промени на кожата на лицето, скалпот, грбот и градите.
- Synonyms: мозолчиња
Акупресура -
Метод на традиционална кинеска медицина, на притискање со прсти или помагала на одредени акупресурни точки на телото, со цел - ослободување на болката. Со овој метод се воспоставува рамнотежа на животната енергија (Чи) односно биоенергија, која што резултира при помош и лекување на одредени состојби.
Акупунктура -
Постапка на вметнување и манипулирање на игли во различни точки од телото за ослободување од болка или за терапевтски цели. Различни видови на акупунктура се практикуваат и учат низ целиот свет.
АМИ -
Акутен миокарден инфаркт или срцев удар, е израз што се користи кога коронарната артерија наеднаш ќе се затне со грутка крв и делот од срцевиот мускул што е снабдуван од таа артерија ќе се оштети, затоа што е лишен од кислород. Главните знаци се болка во градите или нелагодност.
- Synonyms: срцев удар, акутен миокарден инфаркт
Анемија -
Анемија или слабокрвност, е состојба на ниско ниво на црвените крвни зрнца – еритроцити или кога крвните клетки немаат доволно хемоглобин – протеинска молекула во еритроцитите што ја прави крвта црвена.
- Synonyms: слабокрвност, анемии
Анксиозност -
Психичка состојба проследена со чувство на тешкотии и грижи. Чувство на општа возбуденост и нејасен страв, без очигледна надворешна причина. Антиципација на претстојната физичка, психичка и социјална опасност. Често се поистоветува со поимот страв.
- Synonyms: вознемиреност
Антиоксидант -
Антиоксидансите се супстанции што се присутни во мали количини во однос на супстратот што е подложен на оксидација (липиди, протеини, јаглени хидрати, ДНК), но значително ја инхибираат или потполно ја спречуваат нивната оксидација. Тие делуваат како “чистачи“ на слободните радикали односно донори на електрони или Н- атоми.
артериографија -
Инвазивен дијагностички метод за испитување на внатрешноста или луменот на крвните садови во човековото тело со вбризгување контрастно средство преку специјални катетери во крвните садови.
Астма -
Хронична опструктивна болест на дишните патишта која што предизвикува воспаление и стеснување на дишните патишта. Механизмот кој доведува до симптомите на астма е сложена имунолошка реакција на системот за дишење на разновидни материи, што доведува до развој на воспалителната реакција и ослободување на хемиските посредници на воспалението.
Атеросклероза -
Болест која ги зафаќа големите и средните артерии во телото. Се манифестира преку постепено губење на еластичноста на sидовите на артериите, на кои се таложат наслаги од масти, првенствено како последица на внесување на прекумерни масти од животинско потекло со исхраната. Стеснувањето на крвните садови и намалувањето на нивната еластичност доведуваат до отежната циркулација на крвта, а со тоа и до недоволна снабденост на ткивата и органите со крв.
Атописки дерматит -
Е наследно, хронично, воспалително, повторувачко (рекурентно) заболување на кожата која се карактеризира со црвенило и чуство на силен јадеж.
- Synonyms: атописки екцем, егзема
Споделете со пријателите!
