Азбука на здравјето

Споделете со пријателите!

А | Б | В | Г | Д | Е | Ж | З | И | Ј | К | Л | М | Н | О | П | Р | С | Т | Ќ | У | Ф | Х | Ц | Ч | Џ | Ш
Reset list
Гамета -  Специјализирана полова клетка која вообичаено се спојува со друга гамета во процесот на полово размножување. Гаметите се хаплоидни клетки кои содржат еден комплетен сет на хромозоми и се продуцираат во процесот гаметогенеза кој вообичаено се одвива во половите органи.
- Synonyms: гамети, гаметогенеза, полова клетка, полови клетки
Гастритис -  Воспаление на слузницата на желудникот. Може да се јави одненадеж (акутен гастритис) и да трае кратко време или може да се развива постепено со тек на време (хроничен гастритис) и да трае подолго. Гастритисот е најчесто предизвикан од бактеријата Helicobacter pylori.
- Synonyms: гастрит, helicobacter pylori, хеликобактер пилори
Гестациски дијабетес -  Дијабетес кој за првпат се појавува во текот на бременоста, додека прегестациски значи појава на дијабетес пред бременоста. Болеста претставува нетолеранција на јагленохидрати, односно зголемени вредности на нивото гликоза во крвта. Гестацискиот дијабетес се јавува кај 1 до 4 проценти од бремените жени.
ГИ (Гликемиски индекс) -  Скала која одредува колку одреден тип на храна го подига нивото на шеќер во крвта во времетраење од два часа, во споредба со чистата глукоза.
Гих­т -  На­ру­шу­ва­ње на ме­та­бо­лиз­мот на моч­на­та ки­се­ли­на и една од нај­че­сти­те фор­ми на ар­три­тис. При­чи­на­та за ова за­бо­лу­ва­ње е при­сус­тво­то на кри­ста­ли од моч­на­та ки­се­ли­на во си­но­ви­јал­на­та теч­ност во згло­бо­ви­те. Гихтот често го придружуваат артериосклерозата и шеќерната болест.
Глауком -  Една од најчестите болести на очите, претставува прогресивна болест со оштетување на очниот нерв, кое води до постепено намалување на видот. Погодува околу 2% од очните сензори, а настанува од зголемување на очниот притисок поради што се оштетува оптичкиот нерв кој ја пренесува сликата од окото до мозокот.
- Synonyms: очно оштетување
Гликозилиран хемоглобин -  HbA1c, преку него се проценува просечната концентрација на гликоза во плазмата. Колку повеќе гликоза во крвта, толку повеќе гликозилиран хемоглобин, односно, колку се повисоки вредностите на HbA1c, толку е повисок ризикот од компликации со шеќерна болест.
- Synonyms: HbA1c, гликоза
гломерулонефритис - 

Воспаление на гломерулите, мали структури во бубрежниот систем кои се составени од ситни крвни садови. 

гломерулопатии - 

Состојба која ги зафаќа гломерулите, мали филтри во бубрежниот систем. Ова може да предизвика промени во пропустливоста на гломерулите и да влијае на нивната способност да филтрираат отпадни материи и вишок течности од крвта.

Глософобија -  Страв од јавно говорење, популарно познато како трема. Се смета дека ова е најчестата фобија во светот, дури почеста и од фобијата од смрт. Присутна е кај 75% од сите луѓе на светот.
- Synonyms: трема

Споделете со пријателите!