Споделете со пријателите!
Интелигентни деца кои доцна почнуваат да зборуваат
Ајнштанов синдром е термин создаден од економистот Томас Совел со цел да ги опише исклучително интелигентните луѓе коишто подоцна ја развиле способноста на говор. Овој синдром најчесто е застапен кај момчиња со високо едуцирани родители или музички надарени фамилии. Овој синдром може погрешно да биде дијагностициран со аутизам. Разликата помеѓу синдромот и аутизам е дека комуникациските способности автоматски доаѓаат до нормално ниво и на детето не му е потребен третман. Затоа, не треба да се избрзува со поставувањето на дијагноза.
Вакво дете бил и Алберт Ајнштајн, па оттаму доаѓа името на синдромот. Но, да нема забуни, не сите деца коишто подоцна започнуваат да говорат, се високо интелигентни. Постојат многу случаи коишто укажуваат дека е можно да станува збор за замена помеѓу прерано напредно размислување и аналитички способности од една страна и развој на вербалните вештини од друга.
Споделете со пријателите!
