Во Германија, Австрија и Франција следи нов бран на повлекување од полиците на млечните формули Aptamil поради контаминација со токсинот церулеид.
Danone (DANO.PA) производителот на Aptamil, повлекува голем број на серии на адаптирано млеко за доенчиња во Австрија, Германија и Франција, соопштија компанијата и австриската државна агенција за храна, проширувајќи го повлекувањето во индустријата предизвикано од контаминација со токсинот церулеид.Повлечените серии може да ги најдете на следниот линк на Сојузната Канцеларија за заштита на потрошубвачите и Безбедност на храната на Германија.
Церулеид, кој може да предизвика мачнина и повраќање, е откриен во состојки од добавувач во Кина за повеќе производители на адаптирано млеко, вклучувајќи ги Nestlé (NESN.S), Danone и Lactalis.
Ова повлекување е поврзано со претходните кои беа објавени во многу земји во светот и Европа а една серија на Aptamil беше повлечена и од нашата земја. Овие наоди предизвикаа повлекувања во десетици земји и загриженост кај родителите.
Компанијата исто така повлекува околу 60 серии од адаптираното млеко Aptamil и Milumil во Австрија и Германија, соопшти во четврток Австриската агенција за здравје и безбедност на храна.
Во Франција, Danone соопшти дека превентивно повлекува одредени серии од брендовите Gallia и Blédina, по воведувањето построги лимити за церулеид од страна на Европската агенција за безбедност на храна. Француска владина веб-страница за повлекување производи покажува дека повлекувањето на Danone опфаќа десетици серии. Француските истражители исто така проверуваат дали постои поврзаност меѓу смртта на две доенчиња и повлеченото адаптирано млеко од брендот Guigoz на швајцарската група Nestlé (NESN.S). Резултатите се очекуваат во наредните денови.
Извори:
