Tema_21_pokacen_holesterol_i trigliceridi_2
Споделете со пријателите!

Нередовниот живот, стресот, физичката неактивност, прекумерниот внес на калории и алкохол можат да доведат до покачување на нивото на холестерол и триглицериди во крвта. Многу е важно да се одржуваат нормални нивоа на холестерол и триглицериди во крвта бидејќи се ризик фактори за атеросклероза која го зголемува ризикот од срцев удар, мозочен удар и кардиоваскуларни заболувања.

На вашите прашањата еднаш неделно ќе одговара д-р Александар Манолев

Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.


Споделете со пријателите!

ваше прашање (4)

  • Zdravo posto sum zagrizena za moeto zdravje sakam da prasam kaj koj lekar da se obratam, moeto prasanje 3: Imam 51 god ciklus nemam veke 2 godini ednas vo denot jadam a jas se cuvstvuvam kako potecena odnosno mojata kilaza e vo porast iako mnogu minimalno jadam recisi nekogas t.e cesto ednas vo denot kaj 17 casot i toa e izbegavam blago mn retko i sum zagrizena sto treba da ispitam za da znam stoe dali e toa posledica od klimaksot ili nesto drugo ama i ako e od klimaksot neznam da ne jadis a kilazata da e vo porast a isto i omalaksanos cuvstvuvam ve molam za odgovor, od napred vi blagodaram.

    • Д-р Александар Манолев

      Почитувана Валентина,

      За Вашиот проблем најпрво треба да се обратите на специјалист Ендокринолог за да се изврши евалуација на тироидната жлезда и хормоните бидејќи симптомите кои ги имате се најчесто резултат на хипотироидна состојбаодносно намалено ниво на тироидни хормони во крвта.

      Секое добро,

  • Здраво, сакам да поставам прашање до кардиолог, мојот сопруг пред 5 години имаше акутен инфаркт и го спасија му поставија стен. Од тогаш тој редовно зема терапија, но не се откажува од пушење. Ве молам за ваш совет и ризикот од тоа… Дали може под влијание на цигарите пак да има проблеми. Со почит

    Sent from Yahoo Mail on Android

    • Д-р Александар Манолев

      Почитувана Мирела,

      Од прашањето можам да сфатам дека вашиот сопруг е пушач децении наназад, а тоа е можеби и најголемата причина за акутен инфаркт на миокардот. Долготрајното пушење со себе носи ризици пред се за развој на срцеви удари како и канцер и други тешки кардиоваскуларни и дишни болести. Никотинот, како и останатите хемикалии во тутунот (ги има повеќе од 500–ни) се пред се токсини кои штетно влијаат практично на секој дел од телото.
      Ризикот од срцев удар кај пушачите нагло се зголемува со бројот на испушени цигари. Не постои безбедно пушење. Пушачите продолжуваат да го зголемуваат нивниот ризик од срцев удар колку подолго пушат. Луѓето кои пушат по една кутија цигари дневно имаат двојно поголем ризик од срцев удар отколку непушачите. Постојат многу истражувања и студии кои покажуваат дека пушењето цигари е одговорно за околу една петтина од сите смртни случаи предизвикани од срцеви болести. Пушачите имаат два до четири пати поголем ризик од болести на кардиоваскуларниот систем и околу 70 проценти повисок ризик од смртност како последица на болестите на кардиоваскуларниот систем во споредба со непушачите.
      Само да ве потсетам како всушност пушењето влијае на кардиоваскуларното здравје:
      Пушењето е главна причина за атеросклероза – наталожување на маснотии во артериите. Атеросклерозата настанува кога ѕидовите на артериите се здебелуваат, а наталожените маснотии го блокираат протокот на крв низ артериите. Кај оваа болест, артериите кои ја носат крвта до срцето се стеснуваат, притоа намалувајќи го дотокот на крв богата со кислород до срцето, особено во периоди на зголемена активност. Дополнителниот напор врз срцето може да резултира со болка во градите (ангина пекторис) и други симптоми. Кога една или повеќе од срцевите артерии се блокирани, може да настане срцев удар.
      Откажувањето од цигарите го намалува ризикот од повторен срцев удар и смрт од срцеви болести за 50%. Со престанокот на пушењето исто така се намалува ризикот од висок крвен притисок, болест на периферните артерии и мозочен удар.
      Со почит.

Ваше прашање (4)

Вашата Емаил адреса нема да биде објавена.