Хороскоп за 12та недела: Дознајте какво ќе биде вашето здравје наредната недела, за да знаете што точно да игнорирате и да продолжите со старите навики надевајќи се на најдоброто.
Овен
Зодијакот започнува со пролет, односно со вашиот знак, така што неделава ќе сјаете толку силно, што ќе му влегувате во очи на Шкорпиите и Јарците кои што ќе ве избегнуваат, бидејќи не сакаат многу енергични луѓе во својата околина. Ова нема да ве загрижува, бидејќи ќе имате енергија за тројца, така што ќе си бидете доволни сами на себе.
Бик
Ќе ја известите првата недела на пролетта да не се радува толку за вас и да успори, бидејќи не планирате да правите ништо друго освен да јадете. Ќе мечтаете бројот на килограми да ви е ист со бројот што го кажувате. За жал, трчањето во мислите не се одразува врз физичката кондиција ниту придонесува за намалување на килограмите.
Близнаци
За вас пролет е лето на сонце, зима под сенка. Со други зборови, само вам секогаш сè ви смета, само вие постојано се жалите, а најубаво живеете. За среќа, не патите од хронично незадоволство, бидејќи сте премногу заљубени во самите себе, туку едноставно сакате да привлечете внимание.
Рак
Вие пролетта ја перцепирате исклучиво како сезона кога во 24 часа времето може да се промени 59 пати. Ова го сфаќате како предизвик, бидејќи како знак кој е под влијание на Месечината, склони сте кон постојани промени. Така, неделава ќе се натпреварувате кој повеќе пати ќе промени расположение во текот не едно деноноќие.
Лав
Можеби причината ќе биде раззеленувањето на околината или живоста околу вас, но вие оваа недела ќе бидете драматични и ќе се однесувате како постојано да ве следи сценско светло. Олабавете, бидејќи околината ќе ве игнорира на ист начин на кој вие се однесувате вообичаено.
Девица
Сè се буди и е во движење, и сите се радосни освен вас, бидејќи вие мислите на вашите пролетни алергии. Еден совет: Движете се во загадени места, по можност без паркови и дрвја, за да не дојде поленот до вас. Не се муртете, не рековме дека советот ќе биде добар за здравјето.
Вага
Обидувајќи се да ја пронајдете совршената рамнотежа, ќе останете во хоризонтална положба. Оваа недела мрзеливоста ќе ви биде природна состојба, и за тоа ќе ја обвините промената на сезоните.
Шкорпија
Цела недела ќе ве мачи настинка, бидејќи нема да признавате дека променливото време ви го слабее организмот. Ќе се најдете во оваа ситуација, бидејќи вие секоја слабост ја доживувате како пораз. Ве разоткривме? Имајте на ум дека хороскопот знае сè за вас.
Стрелец
Никој не се радува на сонцето повеќе од вас. Променливото време ќе биде причината што ќе ја кажувате за непромислените одлуки што ќе ги донесете. Кон крајот на неделата, вишокот на енергија ќе ве истроши и ќе ве изгори. Сево ова е во ваш стил, бидејќи вие сте огнен знак и уживате во сè, дури и кога сте истоштени.
Јарец
Со доаѓањето на пролетта, веќе нема да имате причина да го обвинувате лошото време за вашиот живот. Вашето нерасположение нема да ги врати облаците на небото, така што ќе мора да вежбате добро расположение.
Водолија
И неделава ќе продолжите да го игнорирате секојдневието, бидејќи мислите ви се во иднината. Вашите мисли одмараат на некоја песочна плажа додека медитирате на првите сончеви зраци.
Риби
Живот без љубов е како година без пролет, со таа разлика што пролетта ама баш секогаш доаѓа, што не може истото да се каже и за вашиот љубовен живот или поточно за недостатокот од него. Од премногу воздивнувања, очекувајте мали респираторни проблеми.
