Хороскоп за 25-та недела: Дознајте какво ќе биде вашето здравје наредната недела, за да знаете што точно да игнорирате и да продолжите со старите навики надевајќи се на најдоброто.
Овен
Вие сте оние кои што вежбаат најнапорно во салата за вежбање. Немате време за мали разговори и сте целосно внесени во вежбањето. Ваш проблем е додека стекнете редовност, но откако ќе се насочите кон тоа, никој не ве вади од теретана.
Бик
Ви кажаа дека за најдобри резултати потребни се чести тренинзи со среден интензитет. Вие, Бик како Бик, ќе вежбате најинтензивно што можете. Резултатите нема да дојдат брзо, бидејќи за вас вежбањето значи дека после може да јадете колку сакате. Не се наградувајте со храна, не сте куче.
Близнаци
Редовни сте во салата за вежбање и се придржувате кон здрав режим, најмногу заради големата љубов кон себе. Нема знак кој повеќе си се сака од вас. Во теретана ќе ве препознаат по тоа што секогаш сте најблиску до огледалата, постојано воодушевувајќи се од себе.
Рак
Вие си ја гледате својата работа и не сакате да ширите пријателства во теретана. Повеќето од вас имаат слаба социјална анксиозност, така што, самото присуство таму, за вас е успех. Уживате во вежбањето, сè додека некој не се обиде да ве праша нешто.
Лав
Повеќето од вас имаат спортско тело и се занимавале некогаш со спорт. Свесни за својот изглед, вие очекувате само што ќе влезете во салата, да започнат да ве опсипуваат со комплименти.
Девица
И покрај тоа што сте многу дисциплинирани и сакате да вежбате, често ви е мака и имате проблем со мотивацијата. Најмногу сакате кога вежбате во група со истомисленици, тогаш сте најсреќни.
Вага
Заедно со Лавовите и Близнаците, вие одите во теретана целосно средени и подготвени. Повеќе се фокусирате на резултатите кои што треба да ги постигнете, отколку на трудот што треба да го вложите.
Шкорпија
Единствено место каде што вие сакате да сте активни, е во кревет. Негувате посебен вид на одбивност кон теретани. Доколку се занимавате со физичка активност, тоа би била некоја боречка вештина, како аикидо или џудо. Сакате да се натпреварувате, а најмногу да победувате.
Стрелец
Вашата насмевка ќе го расположи секој кој ќе вежба во ваше присуство. Вие сте во добра физичка кондиција и сте одлично друштво за вежбање. Добар мотиватор сте, така што фитнес тренер може да биде идеална професија за вас.
Јарец
Не сте големи љубители на вежбањето, но преферирате здрав животен стил и фит тело. Ќе ве најдат во аголот на теретаната, каде што со нескриено незадоволство вртите педали на статичкиот велосипед.
Водолија
Вие сте тие со слушалки и музика на најгласно. Вежбањето во теретана за вас е споредна активност, додека вашиот фокус на интерес е секогаш различен и зависи од тоа што е најнов тренд во вежбањето. Овој период планирате да вежбате аеробик во базен.
Риби
Имате платено членарина во блиската теретана, како и часови по пилатес и јога. Дали ги посетувате? Никогаш. Секако дека надежта последна умира, но време е да ги вложите парите во нешто друго.
