horoskop-52-nedela
Споделете со пријателите!

Хороскоп за 52ва недела: Славењето на Нова година за Бикот и Близнакот ќе претставува задоволство, а Шкорпијата и Рибите ќе чекаат побрзо да помине. Во новата година Ракот ќе посака ништо да не се промени, а Лавот нема да побара ништо бидејќи е најдобар. Периодов ви советуваме да ги избегнувате Водолиите.

.

Овен

И покрај тоа што ќе сте на најдобрата забава во градот, на новогодишната ноќ ќе се досадувате доколку не најдете конкуренција на подиумот. Доколку најдете некој кој ќе може да одговори на вашите танцувачки способности, тоа ќе биде Близнакот или Стрелецот. Првичниот ентузијазам полека ќе ви спласнува а вашата непостојана енергија ќе ви донесе чувство на исцрпеност.

 

Бик

Годишните времиња се менуваат, вашата тврдоглавост не. За Нова година ќе си посакате тврдоглавоста алхемиски да ја претворите во мотивација. Што се однесува до новогодишната забава нема да ви биде потребна алхемија, бидејќи повеќе им верувате на други процеси како дестилација и ферментација, од кои го добивате вашиот еликсир.

 

Близнаци

Вие сте специјалисти за мали разговори и разбивање на непријатна тишина. Вашиот изглед е како сонце во зимски ден а таа пријатна надворешност периодов ќе ја разбиете со огромната нетрпеливост кон сè и кон секого. Во ред е некогаш другите да видат дека и вие сте луѓе со слабости…и покрај тоа што сте најдобри од сите во сè.

 

Рак

Оваа нова година ќе посакате сè да остане исто, бидејќи вие ја сакате рутината која што нагалено ја нарекувате ритуал. Заради вашата склоност кон претерано приврзување, ќе имате проблем да се збогувате со оваа година и затоа ќе имате епизоди на меланхолија во која впрочем ќе уживате. 

 

Лав

Како и секогаш, вие ќе се борите со вашиот шарм и вашата горделивост. Ќе сакате сите да ве обожаваат а во исто време ќе се однесувате неподносливо. Од новата година нема да побарате ништо, бидејќи сте сигурни дека ќе го добиете најдоброто.

 

Девица

Возбудени сте за новите почетоци и покрај тоа што сте свесни дека новата година е само привид за лажен почеток. Неделава ќе имате проблеми со грбот од целата тежина што ја чувате во себе, бидејќи никој не разбира колку е тешко да се стремите кон среќа додека сте свесни за сè.

 

Вага

На новогодишната забава ќе бидете ѕвезди на подиумот заедно со Овенот, со таа разлика што вашиот вишок на енергија ќе се претвори во непотребни расправии со сите околу вас. Сепак ќе останете на забавата бидејќи сите треба да ве видат дека сте таму.

 

Шкорпија

Научете веќе еднаш дека тајните не се зачин што ја надополнуваат вашата мистериозност, туку отров. Сомничавоста кон сè и кон сите исто така не е привлечна особина. Вам славењето на Нова година ништо не ви значи, така што периодов цела енергија ќе ја трошите на игнорирање на празничната еуфорија.

 

Стрелец

Ќе чекорите на прсти за да не се заплеткате во мрежата на вашите идни планови. Амбициозноста е позитивна особина доколку научите акробатски вештини кои ќе ви помогнат да ги реализирате сите задачи што си ги зададовте. Периодов ќе ви треба сила на спортист, затоа обидете се доволно да спиете.

 

Јарец

Сите ѕвезди, планети, месечини и куќи ќе бидат на ваша страна и во ваш двор. Пред да почнете да се буните на нередот, потрудете се да уживате во сите убави работи што ќе ви се случуваат. Ќе размислувате да направите една хируршка интервенција наречена вградување хумор. Има надеж за вас.

 

Водолија

Како знак познат по својата необичност и големо знаење, вие знаете дека според кинески календар, 2016 е година на мајмунот. Затоа ќе одлучите да почнете да ја славите порано со тоа што ќе ги правите мајмуни сите околу вас.

 

Риби

Периодов ќе размислувате многу трезвено и логично што не е ваша одлика. Така, ќе заклучите дека колку повеќе килограми имате, толку повеќе ве има, односно толку повеќе од вас за сакање. Затоа, новогодишната ноќ ќе ја поминете дома, со чипс, руска салата и колачи.

Прочитајте:  Канцерот и исхраната

Споделете со пријателите!